Phah jingthoh ka HITO sha u u Amit Shah ban phah tohkit CBI ne ED ia ki jingkynnoh bamsap

Shillong Rymphang 18: Ka Hynniewtrep Integrated Territorial Organisation (HITO) mynta ka sngi ka ladep phah ia ka dorkhas sha u Myntri ka tnad Kam Pohiing ka sorkar pdeng u Amit Shah na bynta ban thung ia ka jingtohkit da ka CBI ne ka ED haba iadei bad ki kam bam sap ha kane ka jylla Meghalaya.

Ia kane ka jingtohkit, ka HITO ka la dawa hadien ba la mih ka jingkynnoh na u Myntri ka tnad Kam Pohiing ka sorkar pdeng ba ka jylla Meghalaya kadei ka jylla kaba bamsap.

Haba kren sha ki lad pathai khubor mynta ka sngi, u President ka HITO u bah Donbok Dkhar u la ong ki la buh ia ka dorkhas sha u Amit Shah ba udei ban tuklar ban bthah ia Enforcement Directorate (ED) bad ia ka Central Bureau of Investigation (CBI) ba kin pynlong ia ka jingtohkit ia ki kam bamsap ha kane ka jylla bad ban kem ia kiba donkti ha kane ka kam.

Katkum ka jingong u President ka HITO, la ong ba ha ka 16 tarik Nohprah, 2021 bad ha ka 8 tarik Nailur,2022, ki ladep buh ia ka dorkhas ban tohkit ban lap ia kine ki kam bamsap ha kane ka jylla hynrei kane ka la mih pyrthei ha shwa ka ilekshon ha kaba u Amit Shah u la pynskhem ba ka don shisha ki kam bamsap ha kane ka jylla.

“ Ngi ngeit skhem ba u Amit shah u la don ia ki kot ki sla kiba biang ha ka miej jong  u bad ngi ailad ia ki haduh ka 23 tarik Rymphang ban pynshisha ia kane ka jingkren jong u,” ong u bah Donbok.

U bah Donbok u la ong ba na ka liang ka seng ka la dawa ba u Amit Shah udei ban ai ia ka jingtohkit hapoh ka 23 tarik Rymphang,2023 khnang ban pynshitom ia kiba bamsap ha kane ka jylla.

Ha kajuh ka por u la ong ba lada u Amit Shah um lah ban leh ia kane hapoh ka 23 tarik Rymphang, ka mut ba kadei tang ka jingpynbiej ilekshon jong ka BJP lyngba u Myntri ka tnad Kam Pohiing ka sorkar pdeng.

U President ka HITO, u la ong ruh ba lada hadien ka 23 tarik Rymphang lada kim ai ia ka jubab kin sa ujor da ka Defamation Case pyrshah ia u Myntri ka tnad Kam Pohiing ka sorkar pdeng u Amit Shah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet