Shillong, Nailar 27: Ka Ri India kala pynbna ban phah khatar ngut ka kynhun ban mih khmat ia ka Ri ban leit sha Italy ban ia shim bynta ha ka sngi ban pynkyntang riew khuid ia ka Mother teressa.
Ia kane ka kynhun yn ialam da u ka myntri kam bari jong ka Ri, ka Sushma Swaraj, nalor jong ka kan myntri ba dei peit ia ki kam karkhana bad ki pynmih bam ka ,Harsimrat Kaur Badal ruh kan ia don lang ha kane ka kynhun.
Kiwei ki dkhot kiba bun ki dei ki MP jong ka Lok Sabha bad kita ki long, u professor KV Thomas MP, Lok Sabha, u Francis D’Souza Deputy CM ka Goa, u Jose K. Mani MP, Lok Sabha, u Anto Anthony MP, Lok Sabha, u Conrad K. Sangma MP, Lok Sabha, u Justice Kurian Joseph nongbishar ka Supreme Court jong ka Ri India, u Harish Salve, u wei na ki muktiar ba paw jong ka Ri uba la long teng ruh u Solicitor General.
Ha kane ka kynhun kyntup ruh ia u bishop Most Rev. Theodore Mascarenhas, Secretary General jong ka Catholic Bishops’ Conference jong ka Ri India, u KJ Alphons, ka Sujata Mehta Secretary(West), n aka Ministry jong ka External Affairs
Nalor kine kan don ruh sa ar ngut ki dkhot kaban ialam da u myntri rangbah kiba la pan ia ka jingbit na ka tanf bar ri jong ka sorkar pdeng ia kaba la dep ban ai jingbit.
