Shillong, Kyllalyngkot 15: U myntri khynnah ka sorkar pdeng u Sanjeev Kumar Balyanji u ba la wan ban nong u nongpeit pyrman ia ka jingjied ia u State President jong ka BJP, ha u la ioh jingtip ba ki don ki seng bhalang kiba pyrshah ia ka jingwan jong u u la bethah ba dei ban khot ia ki ban ia kren.
Haba kren ha ki lat pathai khubor na ka liang jong u mytnri khynnah ka sorkar pdeng u la ong ba ka jingkwah ban ia kynduh ki seng bhalang ia u mynta ka sngi ka long ba yn ai ia ka jingtip sha u mytnri kam poh iing ka sorkar pdeng halor ka jingdawa ban pyntrei kam ia ka ILP ha kane ka jylla.
U la ong ba un sa leit sha Delhi ban ia kren bad u mytnri kam poh iing ka sorkar pdeng ba un buh ia ka sngi ban ia kynduh ia ki seng bhlang bad kum juh ia ki nongialam jong ka BJP. Ka jongwan jong ki ka long ba ki kwah ban ia kynduh bad ka dei ka kamram kum u myntri ka sorkar pdeng ban ia kynduh ha kaba ki kwah ban ia kynduh.
U bah Donboklang Kharlyngdoh nongialam ka seng HYC u la ong ba kum ka CoMSO kila wan ban pynpaw ia ka jingpyrshah bad ban phah ia ka khubor lyngba u myntri ka sorkar pdeng ba un ong ia u mytnri rangbah duh jong ka Ri u Narendra Modi bad ia u Amit Shah ban pyntrei kam noh ia ka ILP namar kane ka dei ka jingdawa jong u paidbah.
Ha kane ka jingiakynduh bad u myntri khynnah mynta ka sngi la aithuh ba u la ai ka jingkular ba buh sngi ban ia kynduh ha Delhi bad u myntri kam poh iing ka sorkar pdeng. Na ka liang jong ka CoMSO ka pynpaw ia ka jingsngewnguh ba u myntri ka sorkar pdeng u la khot ban ia kren. La ong ba ka CoMSO naduh ba ki dawa ILP.
Ha kane ka sngi ki dkhot jong ka CoMSO kila leit sha Bivar Road ban pynlong ia ka jingiakhih kaba jai jai ban rah ia ki lama bad placard ban pynpaw ba ki paidbah ka jylla ki kwah ia ka ILP, lyngba ki placard la thoh ruh ba u ne u union minister u dei ban pyntip sha u Myntri rangbah duh jong ka Ri u Narendra Modi bad u Amit Shah ba ki paidbah ki kwah noh ia ka ILP ha Meghalaya.
