Shillong, Lber 26: Ka jingtrei ban maramot ia ka jingkieng iaid kali ha wah Umngi kaba don ha ka shnong Umpung ha khppud bad ka Bangladesh ha South West Khasi Hills District kala dang iaid khmat namar katei ka jingkieng kala sdang ban synjor.
Ha katei ka jingkieng na ka liang jong ka PWD kala wah da ka jingthoh bala shah ia ki kali ban iaid na kane ka jingkieng tang kiba kit hapoh ka shiphew tone, kane ka jingbuh kyndon ka long ba ka jingkieng kala sdang synjor.
Ha katei ka jingkieng ki don lai tylli ki paia bala pynieng na ka wah ban pyniaid ia kane ka jingkieng iaid kali bad ka jingmaramot ka long ia baroh lai tylli ki paia, bad u ban a pdeng la don ka jingkhoh leh se na ka jingshah pynjulor ha ka um.
Ka jingmaramot ia ki paia la long ba la sop da ki narot bad la dhalai sad a ka dewbilat ban pykhlian ia ki paia kiba rim, kane ka jingtrei mynta kala iaid sha khmat ban maramot ia ki paia jong katei ka jingkieng kaba kongsan kaba pyniaid ia thain Photkroh kiba don da ki bun phew tylli ki shnong bad ka East Khasi Hills District.
