Shillong, Risaw 05: Ka kong Grace Mary Kharpuri MDC jong ka Nongskhen Konstitwensi mynta ka sngi kala phah da ki marbam sha ka shnong Shiliang Jashar ban iarap ia ki 29 tylli ki iing kiba la hap ban shong quarantine.
Na ka daw ba ka don ka jingkhangdam hapoh katei ka shnong ka Kong Grace kala phah ia kine ki marbam tang ha shiteng lynti bad ki briew na katei ka shnong kisa wan shaw ia kine ki marbam bala phah ban iarap ia ki 29 tylli ki long iing hapoh ka shnong Shiliang Jashar.
Na ka liang jong ka kong Grace kaba dei ka MDC jong kane ka shnong ha dien ba kala ioh jingtip ba kito ki long iing kiba la test COVID-19 positive ki hap ban shong quarantine katkum ki kyndon kiba la buh da ka tnad ka koit ka khiah kala wat ki lad ki lynti kumno ban pynpoi ia ki jingiarap sha kitei ki iing.
Namar ba la pynbna kum ka jaka ba la khang dam ia kane ka shnong kala don ka jingiapynbeit ba ia ki marbam kiba la phah na ka liang jong ka MDC la hap ban pynpoi noh tang ha shiteng lynti shuwa ban poi sha shnong Shiliang Jashar bad ki briew kiba na ka shnong kisa wan shim ia ki marbam ban pynpoi pat sha ki iing kiba dei ban ioh.
