Shillong, Jylliew 26: U Synbut Myntri Rangbah ka jylla u Bah Prestone Tynsong u la ong ba ka sorkar kala thaw ia ki ar tylli ki Kommittee na ka bynta ban ai lad ki nongdie madan ba kin leit ban register ia lade, ia kiba hap hapoh jong ka Municipal kin rehister hapoh ka ophis jong ka Shillong Municipal Board bad kiba lait na ka Municipal kin leit ban register ha DC ophis.
Ka sorkar ka leh ia kane ka long ba pynbiang jaka n aka bynta jong kito kiba die madan. Na ka liang jong ka sorkar kan nym ai jaka shuh ia ki briew ba kin die jingdie ha ki lynti iaid kjat kumba ka long mynshuwa.
Na ka liang u bah Prestone u la pynshai ruh ba ka jingphah register ia ki briew ki ba shong ha madan ka long ban ioh jingtip ia ka jingbun briew jong ki,khnang ba ka sorkar kan ioh ban pynbiang ia ki jaka na ka bynta kine ki briew ki ba wad jakpoh da ka ba shu die jingdie ha madan.
La ong shuh shuh ba ka jingphah register kam dei ba ka sorkar kan ai jaka kumba kalong mynshuwa, hynrei ka long ba kan pynbiang jaka ia ki katkum ka jingbit ba kin ai ki nongsynshar shnong.
Haba ia dei bad ka bai skul ka sorkar kala pdiang ia ka jingpynbna kaba la pynmih da ka tand pule puhti bad ia kane la pynmih ia ka jingpynbna sorkar ha kaba ki skul ba ioh jingiarap na ka sorkar kan long 50% kabai skul bad ia ki skul ki riew shimet kan long beit tang ka bai skul.
