Shillong, Nohprah 03: U Nongai ktien jong ka seng NPP mynta ka sngi u la phah ia ka khubor sngewlem halor ka jingkhlad kyndit jong u Manirul Islam Sarkar myntri ba rim jong ka sorkar Meghalaya u ba la pyniasoh mynta bad ka seng NPP.
U myntri barim jong ka sorkar Meghalaya u la khlad noh mynta ka sngi hapoh Hospital ha Guwahati. Na ka liang jong ka NPP kam lah khlem da pynpaw ia ka jingsngewsih bad ka jingduh kaba khraw halor ka jingkhlad kyndit ka jong u namar u la noh syniang shikatdei eh ia ka party.
Na ka liang jong ka seng ka shem ba ka jingduh noh ia u ne u nongialam ka long ka jingduh kaba khraw. Na ka liang jong ka seng ka phah ia kane ka khubor sngewlem sha ka kurim bad ki khun halor kane ka jingkhlad ba kyndit jong u ong u James K Sangma ha ka kyrwoh kaba la phah mynta ka sngi.
