Phah sngewlem ka sorkar, Speaker, FKS bad kiwei halor ka jingkhlad u bah HS Shylla

Shillong, Nailar 07: U bah Prestone Tynsong Symbud Myntri Rangbah ka jylla u la ong ba na ka liang jong ka sorkar ka dap da ka jingsngewsih ban tip ia ka jingkhlad noh jong u bah HS Shylla, MLA bad MDC ba rim jong ka KHADC, na ka liang jong ka sorkar ka phah ia ka jingsngewlem sha ka Lok, ki khun ki kti bad sha baroh kiba don ka jingiajan bad kane ka jingkhlad jong u ka long ka jingduh kaba khraw.

U Lamphang ka iing dorbar thawain ka jylla u bah Metbah Lyngdoh ha ka khubor sngewlem u la pnypaw ia ka jingsngewsih kaba khraw halor ka jingkhlad jong u bah HS Shylla bad u la pynpaw ba u bah Shylla u don shisha kata ka sap kaba kyrpang bad u don ka jingjan bad ki paidbah.

Na ka liang jong ka Assembly Secretariat kala pynpaw ia ka jingsngewsih halor kane ka jingkhlad kyndit jong u bah Shylla, ha kane ka khubor sngewlem la pynpaw ba u long shisha u briew u ba tbit ban ia shim bynta ha ka jingiatai nia hapoh ka iing dorbar.

Na ka liang ka Federation Khasi State u bah John F Kharshiing u phah ia ka khubor sngewlem halor ka jingkhlad jong u bah HS Shylla sha ka kong Susana Syiemiong ka khun ksiew, ha ka khubor sngewlem la ong ba ka long shisha ka jingduh kaba khraw ia ka Ri Khasi  baroh kawei.

U la ong u nongmih khmat paidbah kum u MLA MDC u la long u myntri sorkar bad CEM jong ka KHADC bad u la don ka jingialam paidbah ha kine ki 42 tylli ki snem bad kaba pynsah kynmaw ka dei ka jinglah ban wan lam ia ka sorkar lai lama ha u snem 1978-79.

Na ka liang jong ka seng bhalang ka HYC kala pynpaw ia ka jingsngewsih kaba khraw halor ka jingkhlad jong u bah Shylla la ong u president ka seng u bah Robertjune Kharjahrin bad kane ka jingkhlad jong u ka long ka jingduh kaba khraw ia ka jaidbynriew.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet