Shillong, Risaw 15: Ka Synjuk Ki Rangbah Kur Ka Bri U Hynñiewtrep kala phah ia ka khubor sngewlem halor ka jingkhlad kyndit jong u Archbishop Rev Dominic Jala ha ka jingia ba sngewsih ha California ha America.
Ha kane ka jingsngewlem kaba la phah sha iing bishop ia kaba la soi da u general secretary ka seng u bah Aristotle Lyngdoh la ong ba ka jingduh ia une u bishop ka long ka jingduh kaba khraw ym tang ia ka balang hynrei khamtam eh ia ka jaidbynriew Khasi-Pnar baroh kawei.
Ha ka shithi sngewlem la ong ba u Bishop Rev Dominic u la ong u briew ba shemphang bad ha ka juh ka por u long u riewblei, kan long kaba eh ba ioh biang ia kum kine ki riew rangbah. Na ka liang jong ka synjuk ka duwai ba ka mynsiem u ioh ia ka jingjah thait bymjuhkut.
