Phah sngewlem u CEM ka KHADC ba khlad noh u bah Syntar MLA ka Mawphlang

Shillong, Nailur 12: U bah Titosstarwell Chyne Chief Executive Member jong ka KHADC u la phah ia ka khubor sngewlwm halor ka jingkhlad noh u bah Syntar Klas Sunn MLA jong ka Mawphlang.

Ia kane ka khubor sngewlem la phah sha ka ka Lok, Ki Khun ki Kti, Ki Hynmen ki Para bad kiba ha iing ka sem u bah S.K.Sunn M.L.A  bad Chief Engineer ka tnad sam um jong ka jylla.

“Nga pynpaw ka jingsngewsih iaka jingkhlad kyndit noh jong I (L) Bah S.K. Sunn (ba ju khot ieid Bahdeng Sunn) MLA & Ex Chief Engineer jong ka tnad P.H.E. haka 10 Nailur, 2021. Ka jingkhlad noh ka jong I ka long ka jingduh kaba khraw ym tang iaka iing ka sem, hynrei iaka Mawphlang Constituency bad kumjuh ruh ia ka Jylla hi baroh kawei”. La ong u bah Chyne.

U CEM jong ka KHADC u la pynkynmaw ba shwa ba in rung sha ka lympung Sain Pyrthei, u bah S.K. Sunn bam kwai ha dwar u blei u  la trei ha ka tnad sam um jong ka sorkar bad u la shong thait kum u Chief Engineer kane ka thad sorkar.

U Bah Chyne u la pynkynmaw ba u bah Sunn u dei u briew ba ieit ia la ka kam, ha ka por ba u don ha ka kam sorka ru la bat ruh kum u president jong ka Shillong Sport Club bad ha dien ba la shong thait la rung sha ka ain pyrthei bad la jop kum u kyrtong shimet ia ka MLA na Mawphlang.

Ha dien ba la jop kum u MLA u la pyniasoh ia lade bad ka party UDP, kum u briew u bah SK Sunn u long u briew ba kloi ban iarap para briew kiba duna ha ka ioh ka kot, ia ki khun samla ruh kum juh da kaba kyntiew ia ki kam ialehkai kynjatbol, kum u MLA u la noh syniang ym tang ia ka konstitwensi hynrei ia ka jylla baroh kawei.

“ Na ka liang jong nga, nga phah iaka jingsngewlem iaka iing ka sem khamtam ia I Lok, ki Khun ki Kti, ki Hynmen ki Para, bad kumjuh ruh iaki bahaiing hasem jong I, Nga buh ruh ha ki jingduwai ba U Blei Trai Kynrad un pyntngen bad pynshaitbor iaka mynsiem kaba la mong bad lwet ka jong phi”. La ong u bah Chyne.

Na ka liang jong u CEM jong ka KHADC u ong ba to U Blei ka jingsuk un don ryngkat bad phi ha kum kane ka por ba phi mad ia U Lyoh uba kah dum ha ka long iing long sem ka jong phi. To ai ba ka mynsiem jong u bah Sunn kan ioh iaka jingjahthait bymjukut.,kane ka long katkum ka kyrwoh kaba la phah d au CEM jong ka KHADC bah T.W Chyne.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet