Shillong, Naitung 09: U Lat jong ka jylla Meghalaya u Ganga Prasad u la phah ia ka jingsngewlem ka jong u halor ka jingkhlad noh jong u Lat ba rim ka jylla u MM Jacob, u bala long ruh u Deputy Chairman jong ka Rajya Sabha kane ka jingkhlad noh ka jong u ka long ka jingduh kaba khraw ia ka jylla bad ia ka Ri Baroh kawei.
Ha kane ka khubor sngewlem na ka liang jong u Lat ka jylla u pynpaw ia ka jingsngewsih ka jong u halor kane ka jingkhlad ba kyndit jong u Lat barim bad u duwai ba un ioh ia ka jingjah thiat bym jukut.