Shillong, K.Lyngkot 05: U Myntri Rangbah ka jylla u Cornad K Sangma mynta ka sngi u la pynpaw ia ka jingsngewsih kaba khraw halor ka jingkhlad noh u bah Neil Nongkynrih 51 snem nongseng ia ka Shilong Chamber Choir, la ong ba kane ka jingkhlad ka long ka jingduh kaba khraw.
U Mytnri Rangbah ka jylla la ong ba ka Shillong Chamber Choir ka dei ka kynhun nongrai ba kynsai tam ha ka Ri India, u mytnri rangbah u la pynkynmaw ba kane ka kynhun kat sha ba ka leit rwai ka juh khring shibun ki nongwan sngap ia ka jingrwai ka jong ki.
U Myntr kam poh iing barim jong ka jylla u Bah Robert G Lyngdoh u lyngba ka Facebook jong u la pynpaw ia ka jingsngewsih kaba khraw halor kane ka jingkhlad jong u bah Neil Nongkynrih, ka jingkhlad jong u ka long ka jingduh kaba khraw.
Katkum ki jingtip la iathuh ba u bah Neil u la don sha Mumbai naduh u bnai Naiwieng bad ha kine ki khyndiat sngi u la kem pang bad khlad noh mynta ka sngi, u bah Neil dei u khun khatduh jong u bah Aubrey Herbert Scott Lyngdoh myntri plas pisa barim jong ka jylla.
