Shillong, Naitung 08: U myntri rangbah duh jong ka Ri India u Narendra Modi mynta ka sngi u la phah ia ka jingsngewlem sha kiba ha iing ha sem jong u M M Jacob u Lat barim jong ka jylla Meghalaya.
Ha kane jingphah sngewlem, u myntri rangbah duh jong ka Ri u la ong ba u Jacob, u la trei na ka bynta ban kyntiew ia ka ri kum u myntri ha ka sorkar pdeng, kum u Lat jong ka jylla Meghalaya bad kham tam eh ia ka jylla Kerala.
U MM Jacob u la khlad hapoh kawei ka hospital ha dien ba ka jingshitom kala bat katto katne por, u ne u Lat ba rim jong ka jylla u kynjoh sha ka 92 snem ka rta. U la long u jong ka jylla Meghalaya naduh u snem 1995 haduh u snem 2007.
Shuwa ban shah thung kum u Lat jong ka jylla Meghalaya u Jacob u la bat ruh ia ka kam Deputy Chairperson hapoh jong ka Rajya Sabha naduh u snem 1982 haduh u snem 1986, u la ong ruh u myntri khynnah hapoh jong ka sorkar pdeng ha kaba u la bat ia ka ministry Parliamentary Affair, Water Resources bad Home Affair ha ka por jong u myntri rangbah duh jong ka Ri u Rajiv Gandhi bad PV Narashima Rao.
