Phah thwet ka sorkar ia kiba ai jingtip thok ha ka por ba wan rung sha jylla:Prestone

Shillong, Nailar 05: U Symbud Myntri Rangba ka jylla u bah Prestone Tynsong u la iathuh ba ki don ki briew kiba ai jingtip thok ha ka por ba wan sha ka jylla, khatam ha ki jaka test. Halor kane ka sorkar kala bthah ban thwet ia kine ki briew bad ban pynshitom ia ki katkum ki kyndon jong ka ain.

Haba batai ia kane, u bah Prestone u la ong ba ka sorkar kala lap ia kane ha ka por ban phah ia ka kaiphot jong ki test, namar ba kim lap ia ka address kaba ki ai ka kyrteng shnonng bad wat u phone number ruh ki ai da u ba thok. Ia kane la lap haba ka sorkar kala pyndon kam ia ka Apps ban bud dien ia kiba wan phai.

Na ka liang jong ka sorkar kala shim ba kane ka jingleh jong kine ki briew ka long beain haduh katta katta bad ka sorkar kala shim ia ka rai ban phah thwet ia kine ki briew bad ka jingmaham ruh ia ki ban dang wan ba lada ki thok ia ka sorkar kin shah pynshitom hapoh ka ain.

U Bah Prestone u la pynkynmaw biang ba ki kali kiba wan ban kit ia ki jhur na ki shnong ki thaw ban kit sha bar jong ka jylla ki dei kiba la ioh jingbit na ka sorkar bad u la ong ba ym dei ban pynthut ia ki. La ong ba ka sorkar kala ioh jingtip ba ki dang don kiba shah pynthut haduh mynta.

Haba ia dei bad ka jingiap jong ki shniang, ka sorkar kan nym pynmih kano kano ka jingpynbna, hynrei kaei kaba la pynbna mynshuwa ar bnai ei ei ka dang neh , kata ka long ba ym shah ban wan kit sniang na sha bar ka jylla bad kum juh ban ia khaii na kawei ka District sha kawei pat.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet