Phah tohkit ka DC Ri Bhoi ba kynnoh ba shim T.200 ban shon Aadhaar ha shnong Tyrso  

Shillong, Lber 22: ka seng Hynniewtrep People Front (HPF) kala kynnoh ba ka jingshon Aadhaar hapoh ka shnong Tyrso Pdeng kila shim T.200 tyngka marwei na kiba leit ban shon dur Aadhaar bad kane ka jingshim pisa ka long wat ia ki tynnmen bad ia kiba don jingduna dkhot met.

U President jong ka HPF ka shnat Tyrso u bah Lestar Mawlong u la ong ba ban pynshisha ia kane ka jingkynnoh ba ka don ka jingshim pisa T.200 tyngka kawei ka Aadhaar kard u la leit ban shondur Aadhaar ban lap ia ka jingshisha baroh bad ha kaba u leit kila pan T.200 tyngka bad u siew ia ka pisa ban lap ia ka jingshisha.

Ha dien ba la dep ban siew ia ka pisa, u President ka HPF ka shnat Tyrso u la phone sha ka Deputy Commissioner jong ka Ri Bhoi District ban pyntip ia kane ka jingshim pisa bad na ka liang jong ka DC kala kren shai ba ymd ei ban siew pisa haba shon dur Aadhaar.

Na ka liang jong ka seng HPF ka pynrem jur ia kane ka jingshim pisa T.200 tyngka ban shon dur ka Aadhar kard bad ka seng kan nym ailad ia kane ka jingleh ban shim pisa namar ka DC kala kren shai ba ym dei ban siew pisa.

Halor kane ka jingkynnoh jong ka seng HPF na ka liang jong ka Deputy Commissioner jong ka Ri Bhoi District  ka kong R M Kurbah haba kren ha u SP News Agency kala iathuh ba halor kane ka jingkynnoh kala phah tohkit ha u BDO jong ka Bhoirymbong Block bad dang ap ia ka kaiphot.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet