Shilong, Naitung 07: U Symbut Myntri Rangbah ka jylla u Bah Prestone Tynsong mynta ka sngi u la iathuh ba ka sorkar kala thung ia ka kynhun tohkit ban tohkit halor ka jingleit jong ki 41 ngut ki briew sha ka jingiathoh shongkurim kaba la long ha ka 27/6/2020 ha Greenwood Resort ha Assam.
“ Ka sorkar kan nym map iano iano ruh lada lap ba ki don kiba pynkhien ia ki kyndon, la ki dei ki briew sorkar ne ki riew shimet, kam kem bad set phatok, namar ym lah ban ialehkai bad ka koit ka khiah jong ki briew” la ong u Symbut myntri rangbah ka jylla.
La iathuh ba na ki 41 ngut ki briew kiba la leit sha katei ka jingiathoh la dep ban test ia baroh 39 ngut ki long Negative bad 2 ngut ki long Positive, la iathuh ruh ba ia kine ki 39 ngut kiba la test Negative ka sorkar kan tang hap ban leh shuh ia ka RTPCR Test ha kine kine khyndiat sngi.
u Bah Prestone u la iathuh ba ka sorkar jylla ka la phah ban tohkit ha ki Deputy Commissioner jong ka Ri Bhoi District bad jong ka East Khasi Hills District bad ia ka kaiphot kin hap ban ai la shai ka sngi bad lada lap ba ka don ka jingleh bakla ka sorkar kan nym map hynrei kam kem bad set phatok ia kiba don kti.
U Bah Prestone u la kubur ba ka jingbit kaba la ai ka long tang san ngut hynrei kumno ki ia leit haduh 41 ngut sh ka jingiathih shong kurim, halor kane ka sorkar kan sa iathuh hadien ba la ioh ia ka kaiphot na ki DC jong ki ar tylli ki District.
Ka sorkar kala lap ruh ba ha dien ba kila wan na katei ka jingiathoh kila pynlong ruh ia ka jingkhawai ha Shillong, dei halor kane ba ka sorkar kala bthah ia ki paidbah ba lada don kiba don ka jingiadei bad ki tei ki briew kin pyntip sha ka 108 ban iada na kane ka khlam jingpang COVID-19.
