Shillong, Nohprah 23: U bah Latiplang CEM jong ka KHADC, u la ong ba lada phi kwah ban ia pynibor wan ha iing dorbar ym ban ia kam ha Motphran. Phi kwah ban pyni ia ka bor jong phi wan ha poh iing dorbar bad iaid katkum ka AD Rule.
Kane ka jingkynthoh jong u CEM jong ka KHADC u Bah Latiplang u la ong namar kala don ka jingdawa ba un hiar shuki na u Bah Titosstarwell Chyne MDC jong ka UDP. Na ka liang jong u CEM u la ong wan katkum ki rule phi don ia ka jingbun paid wan ha iing dorbar u la ban biang, lane leit pan ia ka dorbar ba kyrpang lem kumta yn nym lah ban pdiang.
Halor ka jingkynnoh ba kane ka EC kam don ia ka jingbun paid, na ka liang jong u CEM u la ong ba haduh mynta ymtip mano ba rung mano ba mih kim tip namar ka ka jingiajied ia u CEM, u ioh 15 vote bad na ka liang jong ki ka long sero, kumno kin kam ba ki don 17 ngut.
Na ka liang jong u bah Latiplang u la kam ba ki don 16 ngut ha ka liang jong u lada phi kwah ban ia pynibor wan hapoh ka iing dorbar ngin ia pyni ia ka jingbun paid. Ha ka kynhun UDA ki ia kam la ka jong ka jong mano ban long CEM.
Ngan nym lah ban pdiang ia ka jingiakam ha iew ha hat, kumta lada phi kam ba phi don 17 ngut leit kam ha khmat jong u Lat ka jylla hynrei naduh mynta ngan shym la iohi ba kin leh ia ka, lada phi la don ia ka jingbun paid wanrah ia ka motion byn don jingshaniah bad ngan pdiang ia kata, ban shu ia pynbna na restaurant ka long kaba ym lah ban pdiang.
U bah Latiplang u la ong ba ia u la jied da ka iing dorbar bad la ithuh da u Lat ka jylla, ban ong ba ka sorkar kam ithuh ia u kum u CEM ka dei ka kam biej. Ka sorkar ka bun kam ban tuklar ia ka kam jong ka District Council, Ia nga la jied da ka iing dorbar kumno ngan hiar shuki ha madan madiah.
