Phla u bah Ronnie ha ka jingialanng ha Madan Nongkesh  ba u ruh la shah thong pisa 

Shillong Kyllalyngkot 09: U bah Ronnie Lyngdoh kyrtong ka Congress na Mylliem Konstitwensi  u la pynshai ia ki paidbah ia ka nongrim ba ka party Congress ka ieng bad u la ther ia ka BJP kaba la pyrshang ban pyntroin ia ki ain ba don ha ka riti synshar ka Ri India.

U bah Ronnie u la kyntu ia ki paidbah ba kim dei ban bakla ban jied ia ka sorkar mynta. U la ong ba ka politik kam dei shuh ka T.5000 ne T.10,000 ne ki kombor hynrei dei ban jied ia ki nongmihkhmat kiba la shemphang ban kyntiew nadong shadong ban wanrah ia ki polisi treikam bapher bapher.

Ha kajuh ka por u la ong ba haduh ka 14 tarik u Nohprah,2022 ki don 4,5 tylli seng sain hima kiba la wankhroh ia u bad ki la wan pynbiej da ki klur ban iasoh bad ka NPP. U  bah Banteidor u la pynskhem ba ka NPP ka la wan tyrwa haduh T.5 klur ban rung sha ka NPP bad kane kajuh ka jingtyrwa ia u bad ia kiwei la wan pynbiej.

U bah Ronnie u la ong ba u khlem leit namar nga sngewthuh ba kum ka jaidbynriew rit paid dei  ban dang neh ka ktien ka tylliej dei namar ka seng Congress kaba iada ia ka jinglong kyrpang ka jaidbynriew da kaba thaw ia ki ain.

U la ong ba lada nang ban jied ia ki party, yn sa lait na ka jingduk bad jingkyrduh. La bynrap, ba u la  ju ong ba ka jingduk bad ka jingbiej ka ju iaid ryngkat bad ban iapyllait lok ia kine ka shong ha ngi shimet, lada ngi lah ban weng ia ka jingbiej ngin sa lah ban weng ia ka jingbiej bad lada weng ia ka jingbiej ngin sa lah ban weng ia ka jingduk.

U la pynpaw ia ka jingsngewkmen ba ha Mylliem, kumba 3500 ki samla kynthei bad shynrang ki la pyniasnoh bad ka Congress. La kynthoh ba mynta ka BJP ka la kiew Rasong bad ki la sdang ban mushlia ia ka riti synshar ka ri India.

La ong ba ha jylla Meghalaya, kito kiba phet na ka Congress kin sa rem lut kynthup na Laitumkhrah konstiwensi bad na Mylliem lada phi pynjop yn sa mih ki MLA ka Congress. La ong ba ka party Congress ka khlem beh  ki leit hi ban iasnoh bad ka sorkar namar ki pyrkhat ia ki sbai rupa.

Ki MLA ka party Congress ki  leit hi da ka mon la jong, ka party ka weng shipor ia ki  namar ba don lang ka BJP. U Bah Ronnie u la kynnoh ba kane ka sorkar ka jur ka bamsap namar ba ka khajna badei ban rung sha ka pla tyngka kam rung.

U bah Ronnie u la kam ba ha ka por ka sorkar MUA tang na u dewiong ngi ioh khajna haduh 1500 klur shi snem. U la ong ba ka Congress ka la mut ban thaw ar tylli ki Medical College Enginnering College, 20 tylli ki Community College bad ha Mylliem la dei ban ioh kawei ka Community College hynrei la rem noh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet