Shillong, Nohprah 02: Ki shipai BSF mynta ka sngi kila pynlong ia ka jingialynduh lang ban pdiang ia u dkhot ba snar jong ka seng lehnoh GNLA u David Ch Marak u bala wan ban pyndem ha khmat jong ki BSF ha ka shitarik mynta u bnai ha Garo Hills. Ia kane ka jingpdiang burom la pynlong ha Tura mynta ka sngi.
U ne u nongialam ba ha khmat jong ka seng lehnoh GNLA, ha kane ka jingwan pyndem ha khmat jong ki BSF u la wanrah ia kawei ka suloi Sniper kaba la shna ha China 7.62 bad 106 tylli ki kuli kiba khlem pat pyndon kam. Une u nongialam jong ka GNLA u peit ia ka West KHasi Hills bad South Garo Hills District.
Ha ka jingphla ka jong u ha khmat jong ki BSF u la iathuh ba ki dkhot jong ka seng GNLA mynta ki dang don kumba 50 ngut ei ei bad ka jingwan pyndem jong ki lehnoh GNLA ka long ba kala jur palat ka jingshah pyntriem pynsiej ha u Sohan D Shira u bad dei u C-In-C jong ka seng lehnoh.
Ka jingwan pyndem noh ka jong u David ha khat jong ki BSF ka dei ka jingjot kaba khraw ia ka seng GNLA. Na ka liang jong ki BSF ki ong ba kila leh bun ki kam kiba rat bah na ka bynta ki briew ha khappud bad ka Bangladesh ban pynsngewthuh ia ki samla ba kin wan sha la lynti kaba dei kane ka jingwan pyndem jong u David ka dei ka jingtrei shitom jong ki BSF la ong u PK Dubey IG jong ki BSF.
