Plie ka I R Sangma Director ka tnad sam bam ia ki jingsiew ban shim rashon da ki kor ePoS

Director Food and Civil SuppliesShillong, Iaiong 03: Ka Director jong ka tnad sam bam jong ka sorkar jylla ka I. R. Sangma mynta ka sngi kala plie ia ka rukom siew ha kaba shim khaw rashon na ki dukan da kaba pyndon kam ia ki  kor electronic Point of Sale (ePoS). Ia kane ka jingplie la pynlong ha ophis jong u Deputy Commissioner jong ka East Khasi Hills District Shillong.

Kum ka jingsdang ban pyntrei kam ia kane ka jingsiew jong ki nongshim rashon da ki kor ePoS la sdang tang ha ki 10 tylli ki dukan ha kane ka nongbah Shillong. Ha kane ka sngi la don lang ruh u Bah P S Dkhar DC jong ka East Khasi Hills District bad ki trai dukan ba sam khaw rashon ryngkat ki briew jong ka komepni  Link Well Tele System Pvt. Ltd.

Haba kren ha kane ka jingialang kaba lyngkot, na ka liang jong ka Director kala long ba kane ka skhim ka dei ka jingkwah jong ka sorkar pdeng bad ka jingthmu jong kane ka long ban khanglad ia ka jingia die tuh ia ki marbam mardih bad ki marbam mardih kin poi sha kiba dei hok ban ioh kat kum ka ain Food Security Act.

Ka jingpyntrei kam ia kane ka skhim ka long da kaba buh ia ka electronic Point of Sale (ePoS) devices ha ki dukan ai rashon bad kane ka buh ia ka jingkhein ha kaba ia dei bad ka jingsam ia ki marbam bad kane ka kor kan sa pynmih ia ka slip ka ban pyni ia kito ki ba dei hok ban ioh ia ka jingdon kam kumba ka la mang da ka sorkar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet