Shillong, Lber 31: Ia ka jaka tong um hapoh jong ka shnong Mawtongtin kaba hap ha poh jong ka SWK District kaba don ha Jakrem ia kaba la tip kum ka “Mawtongtin Water Plus Project” la plied a ka kong Ripnar Deputy Commissioner kaba dei ruh ka Chairman Basin Development Unit (BDU) jong ka District .
Haba kren ha ka jingialang kum ka kongsan ka DC kala ai ka jingiaroh ia ka tnad sorkar jong ka PHE kaba la lah ban leh ia kane ka kam bad kane ka dei ka skhim kaba nyngkong eh ha kane ka jylla Meghalaya ba kan long kaba jop ha kaba palat 40 tylli ki long iing ki lah ban ioh ia ka um na kane ka pung um.
U Bah R. R. B. R. Thabah, Director (NRM), Meghalaya Basin Development Authority, Shillong ha ka jingkren ka jong u la ong ba kane ka pung ha kane ka shnong Mawtongtin kan long ka nuksa ia kiwei ruh kumno ban pynlong ia ka um na ka bynta ka jingdon kam bad ha kaba pynwan dur ia kane ki don bun ki bynta kiba la khleh lang ban long kaba jop.
U Bah O. T. Lyngwa, Divisional Soil and Water Conservation Officer, Mawkyrwat Division, u la ai ka jingkren lyngkot ha kaba ia dei bad kane ka kam,ka kong D. Kharshiing, EAC kaba dei ruh ka ophisar ba dei peit ia kane ka, B.D.U, Mawkyrwat, kong B. Syiem, Divisional Soil and Water Conservation Officer, Nongstoin, u Bah H. S. Diengdoh, ADC u ba dei ruh u Vice Chairman, Basin Development Unit, SWKHD, Mawkyrwat, u Bah P. Wahlang, u ba dei u myntri jong ka shnonhg Jakrem bad u Bah H. Mylliemngap, Chairman, Mawtongtin Water Users Association ruh kila ia don lang ha kane ka sngi.
