Shillong, Nailur 21: Ka myntri ka koit ka khiah jong ka sorkar Meghalaya ka kong Roshan Warjri mynta ka sngi kala plie ia ka pharmacy kaba 103 jong ka Amrit ha phyllaw jong ka Civil Hospital Shillong. Kane ka jaka die dawai kan die ia ki dawa ha ka dor kaba duna ban ia nujor bad kiwei ki jaka die dawai kane kan long ka jingmyntoi ia ki juki ki rangli.
Haba kren ha kane ka jingialang ban plie ia kane ka jaka die dawai ka myntri ka kong Roshan kala ong ba kane ka dei ka skhim jong ka sorkar pdeng ban die ia ki dawai ha ka dorbar kaba duna na ka bynta kito ki ba duk ba rangli. La ong ba bun na ki nongpang kim treh shuh ban leit sha Hospital namar ba ka rem palat ka bai dawai. Ka myntri ka don ka jingkyrmen ba kane kan iarap ia ki paidbah ka jylla.
Kane ka jaka die dawai nalor ba kan die ia ki dawai kiba ia dei bad ka jingpang bam pong, kane ka jaka die dawai kan die ruh ia kiwei ki dawai kiba ia dei bad kiwei ki jait jingpang ruh, ia kane ka juh ka jaka die dawai yn sa buh ruh ha Ganesh Das Maternal bad Child Health Hospital bad ha kiwei kiwei ki jaka ba don ki hsoital jong ka sorkar.
U Mission Director NHM u ba dei ruh u secretary ka tand ka koit ka khiah ka jylla u bah H M Shangpliang, ha ka jingkren ka jong u la ong ba ka sorkar kala kutjingmut ban pynioh sha ki paidbah ia ki dawai kiba bit ba biang ha ka dor kaba duna. La ong ba yn sa pyniasoh ia ka MHIS bad ka Amrit Pharmacy mynta ka dang iaid ka jingiapynbeit.
Additional Chief Secretary kajylla ba deipeit ia ka tnad ka koit ka khiah u P W u la pynpaw ia ka jingsngew kmen ka jong u ban ioh ia kane ka jaka die dawai jong ka Amrit hapoh kane ka Hospital.
Ia kane ka LL Lifecare Ltd (HLL) ka dei ka company jong ka sorkar pdeng ba ka Amrit pharmacy kan seng ia ki jaka die dawai ha kaba kin die ia ki dawai ha ka dor kaba duna katkum ki jingthoh ba la aid a ki doctor la ong u Regional Manager HLL, East India, Ka Rupa Chakraborty.
