Plie ka ‘Proyujon Group’ ha Shillong , ban ioh ia ka dor ba tad haba thied tiar

Shillong, Nailar 06: U Managing Director jong ka “Proyujon Group”  u Prakash Jyoti Das mynta ka sngi u la ban ban pynbna ba ia ka shnat trei kam jong kane ka kynhun la plie ha Shillong.

Haba kren ha ki lad pathai khubor ha Shillong Press Club, u Das u la ong ba kane ka kynhun ka dei ia ka Kard jong ki ha ka dor T.999/- tyngka bad kane ka kard ka trei kam shi jingim bad na ka juh ka kard lah ban pynrung saw ngut ki briew.

La iathuh ba da ka jingdon ia kane ka kard ki briew kin ioh ia ka dor kaba duna hapdeng 5% haduh 35% na ki dukan kaba kila dep ban iateh kular bad kane ka kynhun da kaba pyni ia kane ka kard.

Kane ka kard ka treikam tang ki hynniew tylli ki jylla jong ka dong shatei lam mih ngi jong ka Ri India, ka jylla Assam, Meghalaya, Arunachal Pradesh, Nagaland, Manipur, Tripura bad Mizoram.

Kane ka jingiateh kular hapdeng kane ka kynhun bad ki dukan ne ki hospital kala iaid khamtam eh ha Assam bad ha kane ka jylla Meghalaya ka jingiakren ka dang iaid mynta bad ki lai tylli ki Hospital ka Nazareth, Bethany bad ka Woodland Hospital, la ong u managing director u Das.

What Next?

Recent Articles

Leave a Reply

Submit Comment

*