Shillong, Nohprah 30: Mynta ka sngi ka BJP kala plie paidbah ia ka jingia khun pyrshah ia ki kam dih drok ha kane ka jylla Meghalaya da kaba pynlait paidbah ia ka Video kum ka jingiakhun pyrshah ia kane ka kam sniew jong ka jingdih pynbuaid.
Ha kane ka sngi ka BJP kala buh ha khmat ia ki phra tylli ki mat ban ia khun pyrshah ia ki kam dih drok, ka dei ban don ka jingiatrei lang ha pdeng ki sorkar jylla ban long kiba peitngor, ka dei ban don ka North East Anti Drugs squad, ban don ia ka Directorate ban pynshiton ha Meghalaya.
Dei ban don ki jaka ai jingsumar ia ki nongdih drok kiba yn pyniaid da ka sorkar, kine ki jaka sumar kin long la ka jong ka jong ia ki kynthei bad shynrang, ban ai jingiarap ia ki jaka ban pynwan dur thymmai ia kiba ngat ha ka jingdih drok.
Ka, dei ban don ka jingpynsngewthuh ia ka jingsniew man ka por ia ki samla pule ha ki skul bad kolej, dei ban khot ban wer ia ki dkhot ban ia trei lang bad ban buh ia u number ba lah ban phone khlem don kam sniew haba don kam jingsumar.
Ha kane ka sngi la sam ruh ia ki uniphom ban ia lehkai kum shibynta ban ialeh pyrshah ai ki kam dih drok bad ban kyntiew ia ki samla ha ki kam ialehkai khnang ba ki khun samla kin lait na ka jingshah ialam bakla.
U President ka party u bah Ernest Mawrie la ong ba kum kine jingpynshai paidbah kin dang ia bteng ban pynlong ia ki jingialang paidbah, kane kam dei tang ha kane ka por elelction hynrei kang lynter, ka jylla Meghalaya ka don 2.5 lak kiba dih drok kane ka long kumba 7.65% na ki nongshong shnong.
U President ka BJP u la ong ba jan 30% na ki samla kila shah ktah ha kane ka jingdih ba sniew, u myntri kam poh iing ka sorkar pdeng u Amit Shah u la kren shai ban nym ailad ia kane ka jingsniew bad ha ka 7th Kyllalyngkot 2023 kin sa pynlong ia ka jingiaid paidbah ban pyrshah ia ki kam dih drok.
