Plie paidbah u bah Banteidor ia ka Iing Dorbar ha ka shnong mawkathein

Shillong, Kyllalyngkot 07:  kan long ka sngi ka ban sah jingkynmaw na ka bynta jong ki Paidbah Nong Shong Shnong jong ka Shnong Mawkathein kaba hap ha Mawkynrew Constituency namar ki jing angnud kiba ki Nong Synshar Shnong bad kumjuh ruh ki paidbah Nong Shong Shnong ka la urlong lyngba ka jingtrei bor bah jong u Bah Banteidor Lyngdoh (Bah Pai), MDC Mawkynrew Constituency ban wanrah ia ki kam pynroi lyngba ka jing plie paidbah ia ka Community Hall ia kaba la mang 4 Lak Tyngka lyngba jong ka Special Assistance Schemes.

La plie paidbah ia katei ka Community Hall ha ka jingialang kaba iphuh iphieng ha kaba la ia don ryngkat ruh naduh ki Riew Rangbah, Ki Tymmen ki Kro, Ki Longkmie Longkpa, ki khun samla jong ka Shnong bad kiwei de ki Nong shah khot sngewbha ha katei ka sngi kaba kyrpang bad kaban sah jingkynmaw jong ka Shnong Mawkathein.

La pdiang burom ia ka jing wan poi jong u Bah Banteidor Lyngdoh (Bah Pai), MDC Mawkynrew Constituency da ki Paidbah Nong Shong Shnong jong ka Shnong Mawkathein na baroh arliang jong ka Surok Shnong ha ryngkat ka risa ka kynhoi da ka jing kmen bad ki dur khmat kiba i phuh mut phuh mat. ia ka jingialang ha katei ka sngi la pyniaid da u Bah Promister Nongrum uba la ai ruh ia ka jingkren pdiang sngewbha ia baroh ki paidbah nong shong shnong bad kumjuh ruh ia ki  nong shah khot sngewbha.

Na ka liang jong u Bah Disharsing Kurkalang, Sordar Shnong Mawkathein haba ai jingren ha katei ka sngi u la ai khublei kyrpang eh ia u Bah Banteidor Lyngdoh, MDC Mawkynrew Constituency uba la trei shitom ban pynurlong ia ka jing angnud jong ki paidbah nong shong shnong namar ba ki nongmihkhmat ha kine ki phew snem kiba la leitnoh kila phai lyndet ban wanrah ia ki kam pynroi hynrei dei tang u Bah Banteidor Lyngdoh mar ia jop ia ka MDC Election u la ju wan ban iamir jingmut ia ki jingdonkam jong ka Shnong ka Thaw khnang ba un lah ban thaw ia ki lad ki lynti ban wanrah ia ki kam pynroi, na ka liang jong u Sordar u la ai ruh ka jing kitbok kitrwiang ia u Bah Banteidor Lyngdoh ba un nang lah ban kiew shaphrang ha ki liang baroh khnang ba un nang lah ban ai ia ka jingshakri kaba khambha sha ki paidbah jong ka Constituency hi baroh kawei.

Kiwei pat ki riew rangbah kiba la ai jingkren ha katei ka sngi ki kynthup ia u bah Dengbok Kurkalang,Genl. Secy PDF Mawkynrew Constituency, Bah Tyngkai Mynsong, Adviser PDF Mawkynrew Constituency kiba la kyntu jur ia ki paidbah Nong Shong Shnong jong ka Shong Mawkathein ba kin ai lem ia ka kti ka diang ka kti ka mon ban pynjop donburom ia u Bah Banteidor Lyngdoh ha ka Election MLA kaban sa long shen ha u bnai rymphang ban warah ia ki jingkylla bvad ban pynurlong ia kiba bun ki jingangnud jong ki paidbah. Ia ki kyntien ai khublei ha katei ka sngi la ai da u Bah Mutstar Wanshong, Treasurer Shnong Mawkathein.

Haba kren kum u Kongsan ha ka sngi na ka liang jong u Bah Banteidor Lyngdoh, MDC Mawkynrew Constituency u la ong ba kum u Nongmihkhmat ha i bor iba rit kum u MDC, u la pyrshang ban ai ia ka jingshakri kaba janai tam bad kaba khuid kaba suba ban sam ia baroh ki schemes haba shit haba shai khlem ka jingleh shiliang khmat iano iano ruh na ka bynta ka jingbit jingbiang jong ka Constituency hi baroh kawei, ha kaba u la pynpaw ruh ba kum u nongmihkhmat paidbah u don shibun ki jing angnud ban kyntiew ia ka roi ka par ka ioh ka kot bad kumta ter ter hynrei ban pynurlong ia kitei baroh ka long kaba donkam eh ban ioh ia ka jingiatreilang na ki paidbah nong shong shnong.

Shuh shuh na ka liang jong u Bah Banteidor Lyngdoh  u la ai khublei kyrpang ruh ia u Sordar jong ka shnong Mawkathein, ia baroh ki Dkhot jong ka Executive Committee jong ka shnong lem bad ia ki Paidbah Nong Shong Shnong Kyllum salonsor ha kaba u la kyntu ruh ia ki paidbah Nong shong Shnong ba kane ka Mynsiem jong ka jing iatreilang na ka bynta ka jingdonkam jong ka imlang ka sahlang bad ka Shnong ka Thaw hi baroh kawei kam dei satia ban shu kut noh tang ha kane ka kynti kaba mynta hynrei kan long kum ka umpohliew kaban kyrsoi khlem rngad noh tang shiteng por lang Ngi Thrang bad angnud shisha ia ki jingkylla ha ki liang baroh, ha kaba u la kyntu ruh da kaba sngewrit ba kin ai ka jingkyrshan kaba pura ia u ha ka Election MLA ka ban sa long shen khnang ba un nang lah ban trei khambha na ka bynta ka jingbit jingbiang jong ka Constituency hi baroh kawei.

What Next?

Recent Articles

Leave a Reply

Submit Comment
*