Shillong, Nohprah 02: Ha ka sngi Saitjian u Bah Banteidor Lyngdoh MLA, MDC jong ka Mawkynrew Konstitwensi u la plie paidbah ia ka iing dorbar jong ka shnong Laitkyrhong ha ka dong Knan ia kaba ki paidbah kila angnud la slem bha bad ia kane ka jingangnud jong ki paidbah la lah ban pynurlong.
Ia kane ka iing dorbar jong ka shnong la shna na ka skhim Special Assistance Scheme 2017 na ka MDC skhim bad ka jinglut na ka bynta kane ka iing dorbar kala kot sha ka T.5 lak tyngka. Ha kane ka sngi ki riew rangbah ka shnong bad ki khun samla kila ia don lang ban sakhi ia kane ka sngi sah kynmaw ia kane ka sngi ba ka shnong kala ioh ia ka iing dorbar jong ka shnong.
Ha ka jingkren jong u Bah Banteidor haba plie ia kane ka iing iing dorbar u la ong ban a duh ka sngi ba ki paidbah kila bynshed ha u ban trei na ka bynta ki paidbah ha u snem 2014 kum u MDC, u la ialeh katba lah ban wad ia ki lad ki lynti kumno ban pynioh ia ki kam pynroi na ka bynta jong ki paidbah jong ka konstitwensi bad u la ai khublei ia ki paidbah ba kila bynshed ha u ia kane ka kam kum u MLA jong kimynta.
Kiwei pat ki riew rangbah kiba la ai jingkren ha katei ka sngi ki kynthup ia u Bah O.Lymba, Rangbah Dong Knan, Bah Andra Rynjah Sordar Shnong Laitkyrhong, Bah W.Kharkongor, Treasurer Dong Knan ha kaba la iadon ryngkat ruh ha katei ka sngi da u Secretary Dong Knan bad kumjuh ruh u Bah Dikos Lymba uba long uwei na ki riew rangbah ba pawkhmat jong ka thain.
