Plie u Bah Andrew ia ka dur mot jong u MLA-MDC barim ka Laban u Bhaskar ha Lumkartic

Shillong,Nailur 13: U CommissionLabaner secretary jong ka iing dorbar thawain ka jylla u Bah Andrew Saimon mynta ka sngi u la plie paidbah ia ka dur mot jong u MLA bad MDC barim jong ka Laban u  Bhaskar Choudhury bam kwai ha dwar u blei ia kane ka dur bmot la shna ha Lumkartic, Harisabha jan jong ka  Laban dispensary, Shillong.

Haba kren ha kane ka jingplie ia ka dur mot jong u tei u MLA barim bam kwai ha dwar u blei, u Bah Andrew u la ong ba u Choudhury u long u briew u ba la iohi jngai ia kiei kiei bad ha ka jinglong MLA ka jong u ar sien u long shisha u briew u ba tbit ha ki kam ia tainia hapoh ka iing dorbar. La ong ba u Choudhury u la khlad ha ka rta kaba dang rit 51 snem, u la khlad ha u snem 1994.Kane ka jingtei ia u mot jong u ka long kaba biang eh ban kynmaw burom ia ki kam kiba u la leh.

Ka khun jong u Bhaskar ka Sukania Choudhury ha ka jingkren ka jong ka kala ong ba kane ka sngi kala pynlung ia ka mynsiem jong ka bad ia ka iing ka sem baroh kawei ban iohi ia kane ka lad ban buh ia u maw mot jong u kpa jong ki.

 

Ha ka juh ka por na ka liang jong u MLA ka Laban u Bah Sanbor Shulai ha ka jingkren ka jong u la ong ba kum u MLA u la long u nongai buit aibor ia ki khun samla bad u juh kyntu ba ki dei ban kohnguh ia ki jong ki kmie ki kpa bad ba kin long ki nongwanrah burom ia ka iing ka sem bad ia ka jylla ruh kum juh.

What Next?

Recent Articles

Leave a Reply

Submit Comment
*