Plie u Bah Hek myntri ka sorkar jylla ia ka jingpyninam ba san sngi jong ka PIB

Shillong, Iaiong 07: U myntri ba dei peit ia ka tnad pynneh pynsah ia ka riti dustur jong ka jylla Meghalaya u Bah AL Hek u la plie mynta ka sngi ia ka jingpyni nam kaba san sngi lynter ia kaba la pynbeit da ka tnad pathai khubor jong ka sorkar pdeng ka PIB ha iing dorbar jong ka Golflink.

Haba kren kum u kongsan ha kane ka sngi u la ong ba kane ka jingpyninam kaba san sngi ka long halor ka jinglah trei kam kaba ia syriem bad ka jingialeh lait luid kaba la long ha u snem 1942. Kane ka jingialeh kaba mynta pat kaba u myntri rangbah duh jong ka Ri India u kwah ka long ban pynioh ia ka Ri kaba khuid, ban pynkhuid ia ki kam lehnoh, ka jingduk bad ki kam bamsap bad ka jingiaisih para briew.

U la ong ba kane ka jingiakhun kaba la sdang ha u snem 2017 bad kan kut ha u snem 2022 kalong ban wanrah ia ka India kaba thymmai. Ha kane jingpyni nam la buh ia ki jingdro ha kaba ia dei bad ki skhim kiba bun jaid jong ka sorkar pdeng bad na ka liang jong u myntri u la ai ka jingiaroh katei ka tnad jong ka sorkar pdeng ba ka laleh ia kane ka kam.

Ha ka jingkren jong u Bah David Laitphlang president jong ka press club u la ong ba kane ka dei ka lad ban pynsngewthuh ia ki briew halor ki hynriew tylli ki mat bad da ka jingiasnoh kti lang da baroh lah ban pynurlong ia kane ka jingthmu ha u snem 2022.

Ha kane ka sngi la don lang ruh u heh jong ka PIB ba dei peit ia ka jylla Assam Meghalaya, ha ka jingkren ka jong la pynkynmaw ia kaei kaba u myntri khynnah ka sorkar pdeng u Arjun Ram Meghwal u la ong ba kane ka jingpyninam ka long ban pyni ia kaei kaba ka sorkar kala leh ha kine ki saw snem lynter laong u Dr Farooqi. Kane ka jingpyninam ka plie haduh ka 11 tarik mytna u bnai.

 

 

 

 

 

 

 

What Next?

Recent Articles

Leave a Reply

Submit Comment
*