Plie u Bah Lamphrang MDC ka Mawphlang ia ka jingialeh kynjat bol bala pynlong da ka AMLA

Mawphlang , Lber 14: U Bah Lamphrang Blah MDC jong ka Mawphlang mynta ka sngi u la plie ia ka jingialehkai kynjat bol kaba la pynlong da ka All Meghalaya Labour Association (AMLA) ha madan Lyngkatop kaba don ha jan law kyntang ha Mawphlang.

Ha ka jingkren plie jong u Bah Lamphrang u la ai khublei ia ka seng kaba lah lah ban pynlong ia kane ka jingialehkai bad u la ong ba ka kam ialehkai mynta ka long kawei na ki lad ioh kam ioh jam. U la kyntu ia ki samla ba kin kiar na ki kam sniew kiba pynjot ia ka long briew man briew.

U Bah Danney Dunai president ka seng kmie AMLA u la ong ba ka jingialehkai kynjat bol ka dei ka jingialehkai kaba baroh kawei ka pyrthei kan sngewtynnad bad ka jingpynlong ia kane ka jingialehkai ka long ban plie ka lad ia ki samla don sap ba kin dang kiew shaphrang ka ki jingialehkai bad ba kin nym kut tang ha kane ka jaka ialehkai.

Ha kane ka sngi sdang jong ka jingialehkai kynjat bol, ka jingialehkai ka long ha pdeng ka Marbi FC bad ka All Star FC, ha kane ka jingialehkai ka ka Marbi FC kala pynrem ia ka All Star FC da shikol. Ki kynhun ki ban ia shim bynta ha kane ka jingialehkai ki long 16 tylli na kylleng ka Ri Khasi Jiantia.

Ha kane ka sngi kila don shibun ki briew kiba la ka thain Mawphlang kibala ia poi ban sakhi ai kane ka jingialehkai hapoh ka Madan Lyngkatop. Ha kane ka sngi la don lang ruh ki myntri jong ka Hima Mawphlang bad ki wei ki dkhot jong ka seng AMLA.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet