Shillong, Lber 13: U Bah Sanbor Shullai MLA jong ka Shillong South ha kine ki khyndait sngi u la plie ia shibun ki skhim kiba la pyntrei lyngba ka MLA skhim ha ka thain Laban bad kine ki skhim kiba la plie ki long ha saw dong jong ka Iewdak.
Ki skhim ba la plie da u MLA ki long ka High Tension jong ka MePDCL ha Iewdak Laban ha ka jinglut kaba T.1,47,000/- tyngka, ka Top um ha Iew dak ha ka jinglut kaba T.3,48,000/- ka lynti iaid kjat ha ABP Road ha Laban ha ka jinglut kaba T.2,00,000/-, k lynti iaid kjat kaba lah ban iaid kali ha Assam Club ha ka jinglut kaba T.2,00,000/- bad ka jaka ieng kali ha Iew dak ha ka jinglut kaba T.5,50,000/-.
Ka jinglut baroh ha kine ki san tylli ki skhim kila kot sha ka T.14,45,000/- ia kine ki skhim baroh la bei na ka pisa SUWP kaba dei ka MLA skhim.
Ia ka jingialang paidbah ban plie ia kine ki skhim na ka bynta ka jingmyntoi jong ki paidbah la leh da u Bah Joy Rynjah secretary shnong Laban, ha kaba la don lang u rangbah shnong u Bah B Thangkhiew bad ki dkhot jong ki seng bhalang na ka shnong.
