Plie u CEM ka KHADC ia ka Silver Rose Cultural Institute ha Mawlai Umjaiur

Shillong , Naitung  29: U Bah PN Syiem CEM jong ka KHADC mynta ka sngi u la plie paidbah ia ka Silver  Rose  Cultural Institute; ka  Centre jong ka Cultural  Tradition ha Mawlai Umjaiur, kane ka jaka ai jinghikai, ai jingtip bad lum thup ia ki tiar ki tar tynrai ryngkat ki kot ki sla, ki jingthoh jingtar  ha kiba bun ki  jait ki rukom  ai jinghikai ia ki riew paidbah shynrang bad kynthei bad kane ka jaka kan long ruh kum ka jaka ai jinghikai, jaka wad bnaih, ka jaka pule, ka jaka pule, ka jaka lum thup bad ban pynmih ha kaba ia dei bad ki riti ki dutur.

Ha ka jingkren jong u Bah PN Syiem, u la ong ba ka Silver  Rose  Cultural Institute ka long ka nongmuna  ban kyntiew  ia ka jingpynneh sah ia ki mati u ba rim kham ban pynlong ia ka, kum  ka jaka ai jinghikai  ha  bun ki liang. U La kren bynniaw  pat na ka liang ia ki nongmih khmat jong ka jylla bym lah ban  pynurlong ia ka jingkwah jong ka jaid bynriew ban pynneh pynsah ne ban don ka jaka  ai jinghikai. Na ka liang jong u CEM u la pynpaw ia ka jingsngew ba u   sngew lehrain ban wan plie  kum u CEM haba ka District kam lah ban leh ei ei.

Haba  shaphang ka jingmut jong ka Silver  Rose Institute  u bah Alexander N. Lyndem , Executive Director jong katei ka Institute, u la ong ba kadei ka jingpyrsad mynsiem jong ka Mei ka kong Rose Mary Lyndem bad u kpa jong u Bah Silvester H.Nongkynrih bamkwai ha dwar  iing U Blei. La ai kyrteng “Silver Rose” kaba dei ka kyrteng khmat jong kitei ki arngut. Kine ki ar ngut ki long kiba ieit palat ia la ka jong ki riti ka dustur khasi la jong.

Ia kane ka SRCI ladep register naduh ka 13 tarik January 2000; bad la ioh jingithuh na ka Sorkar jylla ha ki rukom bapher. Hadien ba la seng ia kane ka Institute ha ka snem 2011-12 tang kum ka Computer training Centre bad ai jinghikai ruh ha kiwei pat ki skill development programmes, kum ka Tailoring bad Office Management, ha kaba bun bah ki samla pule na kane ka Institute ki la pass bad iohkam iohjam. Kane ka jaka ai jinghikai kala iaid mynta la 17 snem. Ha kane sngi kila ia don ruhbun kiwei kiwei ki riew khraw kiba ia dei bad ka Riti ki dustur.