Shillong, Kyllalyngkot 21: U myntri rangbah ka jylla u Conrad K Sangma mynta ka sngi u la plie ia ka “Chief Minister Whatsapp Base” ha kaba ki paidbah ki lah ban phah ia ki jingujor jong ki khlem da wan ban ia kynduh ia u ha kaba lah ban pynbeit noh ia ki ha shnat sorkar.
U myntri rangbah u la ong ba kane ka dei shibynta ban iarap ban pynbeit ia ki jingeh kaba ki paidbah ki ia kynduh, na ka liang jong ka ophis jong u myntri rangbah ka jylla haba ka ioh ia kano kano ka jingujor kin phah sha kato ka ophis kaba dei ban leh ia kane bad shisien ba ka ophis kala ioh ia kane ka jingujor kin hap ban pynbeit ia ka ia kaba lah bna leh.
Haba jubab ia ki jingkylli kumno ki paidbah kin tip ia kane, na ka liang jong ka ophis kan sa pyntip sha ki paidbah shen bad haba ia dei bad ki nongujor na ka liang jong ka ophis kan nym iathuh kaei ka jingujor ka wan bad kane ka jingleh ka long ban pynshlur ia ki paidbah ba kin wan sha khmat ban pyntip sha ka sorkar.
Na ka liang jong u myntri rangbah u la ong ba u don ka jingkyrmen ba da kaba pyndon kam ia kane ka rukom yn lah ban pynbeit ia ki jingeh ia kiba lah ban leh la da ka long tang hapdeng 20 % ruh kan long ka jingiarap kaba khraw ban weng ia ki jingeh ha kaba bun sien leh se kin ioh ia ki jingeh.
