Shillong, Naiwieng 18: U Myntri Rangbah ka jylla Meghalaya u Conrad K Sangma mynta ka sngi u la plie paidbah ia ka “ ‘Me’gong Festival’ ka ban neh lai sngi lynter ka jingthmu jong kane ka long ban pyni sha ka pyrthei ia ka rukom im tynrai jong ka jaidbynriew Garo.
Kane ka tamasa kaba lai sngi ka long ban pyninam ia ka kyiad tynrai jong kane ka thain shatei lam mih ngi jong ka Ri India, kiba wan ban ia shim bynta ban pyninam ia la ka kyiad tynrai ki long na Arunachal Pradesh, Sikkim bad na Assam baroh kine ki kyiad tynrai dei kiba la shna na u khaw bad ki soh.
Haba plie ia kane ka tamsa balai sngi ha Babadam kaba don sha bar jong ka sor Tura u myntri rangbah u la ong ba kane ka jinglehkmen ka long shi bynta na ka jingrakhe ia ka jingdap 50 snem jong ka jylla Meghalaya bad ka jingioh laitluid jong ka Ri India 75 snem mynta.
U Myntri rangbah u la ong ba kane ka tamasa ka long ban kyntiew ia ki kam jngohkai pyrthei ha Garo Hills, hynrei na ka daw jong ka jingdon kane ka khlam COVID kala ktah ia ka jylla bad kyrpang ia ki kam jngohkai pyrthei.
Ha kane ka jingrakhe ia kane ka tamasa la pynlait paidbah ia ka “shap” jong ka jingrakhe ia ka jingdap 50 snem jong ka jylla Meghalaya ha kaba la don lang u Thomas A Sangma, Marcuise Marak u symbut nongkit ktien ka ri Sweden sha India u Gautam Bhattacharya.
U Myntri Rangbah ka jylla u la ong ba kum kane ka jingleh kmen la pynlong ha kylleng ki bynta jong ka jyllqa ban rakhe ia ka jingdap 50 snem bad kane ka jignrakhe ia ka jingdap 50 snem kan long ha ka 21St Kyllalyngkot 2022, la ong ba yn tei ia ka “Tribal Research Institute” (TRI), ha Chidikgre ha Babadam.
Kane ka jaka ka long ban wad bniah ia ki riti dustur jong ki Riewlum kane ka thain, ia kane ka jaka wad bniah yn sap lie ha u snem ban wan ha ka sngi lyngkhuh sngi kha jong u P.A Sangma bam kwai ha dwar u blei.
Kane ka jingpyninam ia ki jaid kyiad jong ki riewlum kiba la shet katkum ka jingshet tynrai ka long ban pynneh pynsah ia ka jingshet tynrai bad kane kan wanrah ka jingiajan hapdeng ki riewlum kane ka thain, la ong u mytnri rangbah ka jylla u Cornad K Sangma.
Ha kane ka sngi la don ruh ki nongrwai ban pynbyrngia ia ki paidbah kiba wan sha kane ka tamasa bad ki nongrwai kila wan na kylleng ka thain shatei lam mih ngi jong ka Ri India la ong u Cornad.
