Plie u DC EKH ia ka Mobile Refraction Van Projeck jong ka Bansara Eye Care Shillong

BansaraShillong, Jymmang 26: U Deputy Commissioner jong ka East Khasi Hills u Bah PS Dkhar u la Plie ia ka Mobile Refraction Van Projeck jong ka Bansara Eye Care Hospital ha Laitumkhrah ha ryngkat ka jingiatrei jong ka Bansara bad ka Vision For Life- Essilor.

Ka thong jong kane ka projek kalong ban pynioh jingsumar kyrpang ia kiba pang khmat khamtam ia kito kiba sah sha ki thain nongkyndong ba dang duna ki jaka sumar khmat bad ban tehlakam ia ka jingpang khmat.

Ha kane ka prokram, nalor u DC ka EKH, kiwei kiwei kiba iadonlang kum ka Dr. Aman Warr ba dei u Jt Directior DHS, EKH ba long ruh kum u symbud kongsan, ka Dr. J.V. Basaiawmoit ka Medical Director jong ka Bansara Eye Care Centre, ka Kong Roshna Gajmer Basaiawmoit ba dei peit ia kane ka kam ha Bansara Eye Care Centre, U Milind Jhadhav ba dei u khlieh ka 2.5 NVG Essilor Representative, India bad u Bah Aaron Basaiawmoit – kum u Chief Executive Officer, Bansara Eyes Care.

Ia ka jingkren pdiang sngewbha la ioh na ka Dr. Jennifer V. Basaiawmoit, Medical Director, Bansara Eye Care Centre bad i la kren ba ka jingpang khmat lane ka jing duna ha ka bor iohi,bad i ong, lada ym sumar bha ia kane, kan pynlong ia ngi ba ngin duh ia ka bor iohi shi rta jingim. “Ha baroh ka pyrthei, la don haduh 2.5 Billion ngut kiba don jingktah ha ka bor iohi ki khmat bad tang ha Ri India marwei ki don haduh 55 klur ngut kiba hapdeng kane ka jing duna ki khmat.

Ka Bansara lyngba ka ka tnad Society for Promotion of Eye Care & Sight ka la pyllait ia ka projek “The Mobile Refraction Van” ha ryngkat ka jingiatreilang bad ka “Vision for Life- Essilor”. Ka jingthmu jong ngi ka long ban iarap ban pynduna bad ban pyllait na ka jingpang matlah jong ki khmat, tang na ka daw jong ka jing bym sumar bha ia ki khmat ha ka por kaba biang”ong ka Dr. Basaiawmoit, Medical Director ka Bansara Eye Care Centre.

Ha kajuh ka por la ioh ruh ka jingkren na i Kong Roshna Gajmer Basaiawmoit bad i la ong, “Ka thong jong ngi ka long ban peit bniah khlem don jing siew (screening free of cost) haduh 1,10,000 ngut ki briew ha ki 5 snem da kaban pyllong haduh 720 tylli ki jing ai jingsumar (refraction eye camps) ha baroh ki distrik jong ka jylla. Bad yn ai bit dor ruh ia ki iit khmat (Essilor Lense) haduh 40,000 ngut ki nong pang khmat”. Shuh shuh i Kong Roshna ka ong ba, ban pynurlong ia kane ki la don la ki briew ba la ioh jinghikai bad ki tiar ki tar kiba la pyndait lang ha ka kali Mobile Refraction Van lane ka Kali kit iit khmat .

Kane ka kali kan iaid ha kylleng ki jaka ban pynlong jingpynshai bad ban ai jingsumar ia ki briew jong ka jylla. Ha ka jingkren jong u Deputy Commissioner jong ka East Khasi Hills, Bah Peter S Dkhar, i la ong ba, kane ka projek kan iarap ia u duk u suk jong ka jylla khamtam ia ki nongshong shnong jong ka Khasi Jaintia. U la ong ruh ba, kane kan pynduna ia ka jingpep skul jong ki khynnah namar tang na ka jingduna jong ka bor iohi bad ka jingduk, ki kmie ki kpa jong ki khynnah ki la pynpep skul ia ki khun ki kti jong ki. Hynrei lyngba kane ka projek kan iarap shibun eh khamtam ia ki nongkyndong jong ka thain Khasi bad Jaintia Hills.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet