Mairang, Naiwieng 15: U bah T Lyngwa Deputy Commissioner jong ka West Khasi Hills District u la plie ia ka ‘Sanitary Complex ka Khadsawphra College’ ha ka sngi leh burom ia ki khynnah ia kaba la ai jingiarap pisa na ka Swatch Bharat Mission kaba T.4 lak tyngka lyngba ka ophis jong u DC Nongstoin.
Ha ka jingialang kaba la long ha phyllaw jong katei ka College, na ka liang jong u Deputy Commissioner u la ai ka jingiaroh ia kane ka college ha kaba ka ophis kala ai tang T.4 lak tyngka katba ka jingtrei kaba kane ka college kala kala kot palat phew lak tyngka.
Na ka liang jong u DC u la kyntu ia ki samla pule jong kane ka College ba kid ei ban ialeh ban sumar khuid ia ka namar ka jingshna ia kane ka Sanitary Complex kala long katkum kane ka juk kaba mynta ia kaba ka ophis kam shym la poi pyrkhat ba kane ka college kala lah ban tei haduh katne.
Ha ka kaiphot kaba u Principal jong kane ka college u ai ha kane ka jingialang plie ia kane ka Sanitary Complex u la ong ba baroh ki jaka leit bar ki don 50 tylli baroh, 12 tylli ki dei ki jaka leit khyndew,10 tylli ki kamra sum, phra tylli ki jaka sum jaka sait kaba la buh ruh ia ki jingpynkhluid um , bad ki jaka sait kti ki don 80 tylli.
Haba ia dei bad ka jingshna ia kane ka Sanitary Complex, khein lang baroh ka jinglut kala kot sha ka T.12 lak tyngka khien lang ia kaei kaba la ai na ka ophis jong u Deputy Commissioner jong ka West Khasi Hills District.
Ka College kala shna ia kane ka jaka sum jaka sait ka long ba kila ioh ia ka jingbit ban sdang ia ka jinghikai hapoh kane ka College ia ka Physical Education kaba dei kawei na ki subject kaba ki khynnah ki hap ban shim ryngkat ryngkat ka jingpule.
Kiwei kiba la kren ha kane ka jingialang ki long u SDO jong ka Mairang Civil Sub Division, u bah V Swer BDO jong ka Mariang Block. Ia ka jingialang la pyniaid da u President jong ka College u bah Lawanpynbiang War bad ia ka jingkren ai khublei ai da ka Vice Princiapal ka kong Aida C War.
