Shillong, Naitung 31: Ryngkat ka jingbud ryntih ia ki kyndon bala buh da ka sorkar Ha ka 30/07/2020 Plie u MLA Mawhati Bah Dasakhiatbha Lamare ia ka Building jong ka Anganwadi Centre-II ha ka shnong Umkei ka ba hap ha ka umsning C&RD Block.
Ha kane ka sngi la iadon lang u BDO umsning Block Bah Raja Brahma, President ka Synjuk Rangbah Shnong Mawrong road Area u Bah B.B.Makdoh, U Rangbah shnong ka shnong Umkei Bah Aibor Lyngdoh, Ki Anganwadi, ki riew Rangbah katei ka shnong bad thain bad ki longkmie long kpa.
U BDO ka Umsning C&RD Block kum u symbud kongsan la ioh ruh ia ka jingkren na u Rangbah shnong Umkei ha ka ba u la ai ka jingkhublei ia u MLA bad u BDO ki ba la don kti lem ha ka ban pynioh ia katei ka Building kaba donkam eh ha ka shnong na ka bynta ka jingroi jong ka shnong khamtam eh ia ki khynnah rit bad ki Longkmie kiba ioh ia ki jingbam lyngba katei ka Centre.
La ioh ruh ki jingkren na ki katto katne ngut ki rangbah. Katei ka Building ka dei ba lah leh Convergents na ka Social Welfare Department lyngba ka tnad CDPO Umsning ka ba la ai Rs 2,00,000 (Ar lakh tyngka) bad na ka C&RD Block Umsning na ka scheme MGNREGS Rs 5,00,000 (San Lakh tyngka) baroh ka long Rs 7,00,000.
