Plie u MP Bah Vincent ia ka Auditorium ka Khatsawphra College ha Mairang

Bah Pala MPShillong, Nailur 29: U Bah Vincent H Pala MP jong ka Shillong, ha ka sngi balang u la plie ia ka Auditorium jong ka Khatsawphra College ha Mairang ha ka jingialang ki riew rangbah jong ka thain, ryngkat ka jingisakhi lang ki samla pule jong kane ka College.

Ha ka jingkren jong u Bah Vincent H Pala kum u kongsan ha kane sngi u la ai ka burom ia ki nongseng ia kane ka College ba tang ha pdeng ki khyndait por kila lah ban ioh ia kane ka Auditorium kaba bit ba biang, ha kaba ki khynnah pule jong kane ka college ki lah ban ioh ia shibun ki jingmyntoi na kane ka jaka lyngba ki jingialang kiba lah ban pynlong na ka por sha ka por.

Haka juh ka por na ka liang jong u MP u la kyntu kynpham ia ki samla pule jong kane ka college ba kin long kiba minot bad trei shitom ha ka jingpule ka jong ki ha kane ka juk jong ka jingiabeh ia ka jingstad. U la ong ba ka jingdon jong kane ka college kan iarap shibun ia ki samla pule ka thain namar kane ka college kam duna shuh ban ia nujor bad kiwei ki college kiba don ha sor.

Kiba la kren ha kane ka sngi ki long u Bah Lawan War president jong ka governing body jong ka College ha kaba u la pdiang burom ia u MP u ba la kloi ban wan plie ia kane ka Auditorium, U Bah Boldness L Nongum Princiapl bad Secretary jong ka College, ka Samla Aida C War Vice Principal jong ka College.Ka BDO jongka Mairang Block ka kong F M Lakiang.

Ha ka jingkren jong ka Vice Principal, ka Samla Aida kala batai ia ka jingdon kam jong ka College kum ka Liberary, ban shna pynneh shuh ia ka college bad ban buh ia ki CCTV hapoh jong ka College. Ia kane ka sngi la pynhuh pynphing da ka jingrwai bad jingtem na ki samla pule jong kane ka College, ha kajingiadon lang ki riew rangbah badki paidbah na ka shnong Mairang.

 

What Next?

Recent Articles

Leave a Reply

Submit Comment
*