Ka NEIAH kan plie lad ban pynneh ia ka jingnang jingstad jong ki nongsumar tynrai: SY Niak

Shillong, Naitung 29: U Myntri khynnah jong ka sorkar pdeng ba dei peit ia ka AYUSH, u Shripad Yesso Naik u la plie ia u maw nongrim na ka bynta ka Phase 2 jong ka jingshna ia ka North East Institute of Ayurveda bad Homeopathy (NEIAH) ha NEIAH kaba don ha Mawdiangdiang, Shillong ha ka sngi u Blei. La mang kumba T. 40.80 klur na ka bynta kane ka jingshna ka ban pyntreikam ha ka jaka kaba don 10481.53 sqm. Ha kane ka bynta ba ar, yn shna ia ka jaka sah jong ki nongpule, ki doktor bad kito kiba trei ha kane ka jaka. Yn shna ruh ia ka guest house.

Ha ka jingkren ba u la ai ha kane ka sngi, une u Myntri u la ong ba kane ka phase 2 jong kane ka projek ka iadei bad ki jingdonkam jong ki nongpule, ki doktor bad kito kiba trei ha kane ka jaka. Kane kan ailad ia kane ka jaka ba kan ai ia ka jingsumar kaba kham paka, u la ong.

Ha kaba iaroh ia ki kam jong kane ka jaka pule naduh ba la seng ia ka ha u snem 2016, u Myntri u la ong ba ka NEIAH kan ai jinghikai ia ki nongpule ki ban sa wanrah ia ka jingkiew ha ka liang ka jingsumar ha ka thain shatei lam mihngi. Kane kan ai mynsiem ia ki briew ba kin thung ia ki jingthung kiba long dawai. Kan plie lad ruh na ka bynta ka jingpynneh ia ka jingnang jingstad jong ki nongsumar tynrai jong ka thain, la ong une u Myntri.

U Myntri u la ong ba ka tnat AYUSH ka don ka jingthmu ban kyntiew ia ka NEIAH sha ka jaka pule kaba tbit kaba tip kum ka ‘centre of excellence’ ha ka ktien phareng. Kane ka jaka pule mynta ka nang ialeh ban pynsaphriang ia ka jingtip shaphang ka rukom sumar AYUSH ha ka thain shatei lam mihngi da kaba pynlong ia ki jingialang ha ki jaka bapher bapher, la ong une u Myntri. U la ong ruh kane ka jaka kan sa sdang ia ka jinghikai ia ki Panchakarma technician na ka bynta ki samla na kane ka thain.

U Myntri u sngew ba ka Panchakarma ka dei ka rukom sumar kaba khlain bad u la ong ba kane ka rukom sumar ka lah ban ialeh pyrshah bun ki jait jingpang kiba ma. U la ong ruh ba ka jing wanrah lang ia ki rukom sumar kiba bun kan pie lad na ka bynta ka jingialeh pyrshah ia ki jingpang. U la ong ba kane kan wanrah ia ka jingkylla kaba khraw ha ka rukom ai jingsumar ka ban long kaba tad bad kaba lah ban ioh ha kano kano ka jaka.

U Myntri u la ong ba ka NEIAH ka lah ban long ka jaka pdeng na ka bynta ka jingwad bniah shaphang ki rukom sumar Ayurveda bad ka rukom sumar tynrai ha ka thain South East Asia. U la ong ruh ba ka jingjan jong ki jaka pule kum ka NEHU, NIT Shillong bad ka IIM ka lah ban wanrah ia ka jingwad bniah kaba kham pura ha kaba kan don ka jingkiew kaba khraw ha ka liang ka rukom sumar ha ka thain shatei lam mihngi.

“Kito kiba iadei bad ka kam ai jinghikai, pyrkhat janai halor ka jingia phylliew jingmut ha ka liang ki kam wad bniah khnang ba kin iohi ia ka jingkiew ha ka ioh ka kot ha kane ka thain,” u la ong.

U la ong ba ka AYUSH ka lah ban wanrah ia ka jingkiew ha ka ioh ka kot ha ka thain shatei lam mihngi lyngba ka jingai jingsumar, ka medical tourism bad ka jingdie ia ki jingthung ba long dawai.

U Myntri u la pynkut ia ka jingkren jong u da kaba pynsngew ia ka jingthrang jong u ban iohi ia ki nongsumar kiba tbit kiba la pass na ka NEIAH kiba lah ban ialam ia ka imlang sahlang ban wanrah ia ka rukom sumar kaba kham bha.

Ha ka jingkren jong u ha kane ka sngi, u Joint secretary ka AYUSH, Sorkar Pdeng, u Roshan Jaggi u la ong ba ka tnat AYUSH ka kloi ban pynkhlain ia ki jaka pule ki nongsumar ha ka thain shatei lam mihngi khnang ba ki briew kane ka thain kin ioh ka jingsumar kaba bha.

Ka tnat ka kyntiew ia ka NEIAH sha kawei na ki jaka pule kaba tbit tam na ka bynta ki nong sumar bad ka NEIAH kan trei ia ki kam wad bniah ryngkat bad ka jing ai jingsumar ia ki nongpang.

Da kaba pynsngew ia ka jinghun jong u ia ka jingkiew jong ka tnat AYUSH ha Meghalaya, u Jaggi u la kyntu ia ka sorkar jylla ba kan pynkhlain ia kane ka tnat khnang pa kan lah ban don ha man la ka block bad ka district jong ka jylla. Lyngba kane, man la u briew un lah ban ioh ka jingsumar, u la ong.

U la iathuh ruh ba ka tnat AYUSH ka thmu ban pynlong ia ka iew na ka bynta ki briew na bun ki ri ha kaba yn die bad iakren shaphang ki jingthung kiba long dawai. Kane ka jait iew kan kyntiew ia ki mar jong ki briew kiba khaii ia kine ki jait jingthung bad kan iarap ruh ban wanrah ia ka jingiadei hapdeng kine ki nongkhaii, u la ong.

Ha kane ka jingialang la iashim bynta ruh da u Chief Secretary ka Meghalaya, u Y Tsering, u Pro-Vice Chancellor of NEHU, Shillong Prof H Lamin, u Secretary of Health & Family Welfare, Sorkar Meghalaya, u Praveen Bakshi ryngkat bad kiwei ki ophisar ka sorkar jylla bad ka sorkar pdeng.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet