Shillong, Nohprah 10: Mynta ka sngi u myntri rangbah ka jylla u Conrad K Sangma ha ka jingiadon lang u Chief Justice jong ka High Court Meghalaya u justice Sanjib Banerjee la plie ia ka iing bishar District Sessions Court ha Ampati, jong ka South West Garo Hills District.
Ia ka Ampati District bad Sessions Court ha South West Garo Hills District la plie ha u snem 2017 na ka iing bala shu buh shipor bad da ka jinglah ban plie mynta ka sngi ia kane ka iing bishar kaba la dep ban tei thymmai kan iarap ban pynkloi ha kaba pynioh ia ka jingbishar sha ki paidbah.
Ha kane ka sngi la don lang ruh kiwei ki nongbishar jong ka High Court Meghalaya, ki ophisar , ha kane ka sngi la pynphuh shuh shuh da ka jingpdiang burom ia kiba wan sha kane ka jingplie da ka shad tynrai bad ka jingrwai na ki nongtrei ha katei ka iing bishar
