Plie u Myntri Rangbah ka jylla u Conrad ia ka Adokgre C&RD block ha North Garo Hills

Shillong, Naiwieng 15: U Myntri rangbah ka jylla u Conrad K Sangma mynta ka sngi u la plie ia ka Adokgre C&RD block ha North Garo Hills District  ha kaba u  Rupert Momin bad u Pongseng Marak ki MLA kila don lang ha kane ka sngi.

Ia ka Adokgre block la shim na ka Kharkutta C&RD block, kaba dei kawei na ki block kiba la rimtam ha kane ka jylla Meghalaya  kaba peit ia ki 178 tylli ki shnong, na kitei la shim noh 43 tylli ki shnong bad la pynhap ia ki ha kane ka block kaba thymmai kaba don 10,000 tylli ki tnum iing.

Ha ka jingkrem u myntri rangbah ka jylla la ong ba u kpa jong u u P A Sangma u don ka jingjan haduh katta katta bad ki briew jong aAdokgre bad u la juh ong ia kane ka jingthmu ban kyntiew ia ka ioh ka kot jong ki briew ha kane ka thain  bad mynta ka sngi la lah ban pynurlong ia ka jingangnud ka jong u.

Ha kane ka jingialang la ong ba naduh ba kane ka sorkar ka wan ha ka bor ha u snem 2018 kala trei na ka bynta ka jingbit jingbiang ki paidbah  bad kaba kongsan eh ban pynbiang ia ki jingdon kam ha ki nongkyndong ha kylleng ka jylla.

Ka thong kaba ha khmat ka long ban pynbiang ia ki surok, ka jinglah ban pynioh ia ka surok na Adokgre sha Mangsang ka dei ka jingkut jingmut ka sorkar  bad ia kane ka surok shem yn sa lah ban pyndep. Ia ka jingangnud u kpa jong u ban don ka jaka ialehkai ha Adokgre kala urlong namar ka jingtrei kala iaid sha khmat bad mynta kala jan dep.

Ka jingplie ia ki District, ki Civil Sub Division bad ki Block ka long ban pynjan ia ka jingshakri jong ka sorkar khamjan sha ki paidbah, ha kane ka sngi la plie ruh ia ka ophis ba shipor jong ka Block ba kan trei kam noh naduh mynta ka sngi. U myntri rangbah la bthah ia ki nongrep ba kin register ban ioh ia kajignairap na kaFOCUS shuwa ka 4 tarik Nohprah 2022.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet