Plie u myntri rangbah u Cornad ia ka skhim ban ai bai bam ia ki samla ha ki kam ialekai

Shillong, Naiwieng 2: Mynta ka sngi u myntri rangbah ka jylla u Conrad K Sangma u la plie paidbah ia ka skhim ban ai bai bam ia ki samla kiba ioh takma ha ki jingialehkai kiba la pynlong hapoh ka ri bad ia kiba la pynlong hapoh ki thain nalor ka khusnam kaba ki ioh shisien da ka pisa.

Kane ka long ban pynshlur ia ki samla ha ki kam ialehkai kiba bun rukom, kine kiba ioh ia kane ka bai bam mynta ka sngi ki long kiba nyngkong namar ki jop ha ka jingialehkai ka North East Olympic Games 2022 kaba la long ha Shillong.

Ha kane ka sngi u myntri rangbah ka jylla la ong ba ka sorkar kala pynlut shibun ka pisa ban pynbha ia ki jaka ialehkai kum ka JN Stadium ha Shillong bad ka P A Sangma Stadium ha Tura, kane ka long ban plie lad ia ki samla ban ioh ia ki jaka ialehkai kiba kham biang ba kin lah ban kynjoh sha ki jingialehkai ha ka pyrthei.

La iathuh ba ki nongshong ha ka jylla kiba dei ki samla kiba hapdeng ka rta 12 haduh 30 snem ki don 12 lak ngut, ka sorkar ka pynkhreh kumno ba ki samla kin ioh ia ki lat bapher bapher ban pyntbit ia lade ha kiba bun ki liang bad ka sorkar kala sdang katto katne tylli ki kam na ka bynta ki samla.

Ha kane ka sngi ka sorkar kala pynkup burom ruh ia ki 188 ngut kiba la ioh ki khusnam bapher bapher ha ka jingialehkai 2nd North East Olympic Games (NEOG) 2022 bad ia ki 54 ngut ki nonghikai ia kaba la pynlong ha U Soso Tham Auditorium, Shillong kaba la pynlong da ka tnad ialehkai ka sorkar jylla.

Ha kane ka sngi la don lang u Dr Vijay Kumar D, Commissioner bad Secretary, Sports bad  Youth Affairs, u  S Awasthi, Director, Sports bad Youth Affairs, u bah  John F Kharshiing, Working President, MSOA bad kiwei kiwei ki heh sorkar.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet