Shillong, K.Lyngkot 03: Mytna ka sngi u Symbut Myntri Rangbah ka jylla u bah Prestone Tynsong u la plie ia ka jingai Tika na ka bynta kito kiba dang don ha pdeng ka rta 15 haduh 18 snem, ia kane la plie ha Rynjah State Dispensary.
Haba plie ia kane ka jingsdang ban ai Tika ia kiba dang sdang khi, u Symbut Myntri Rangbah ka jylla u la kyntu ia baroh kito kiba dei ban ioh ia kane ka Tika ba kin shim ia kane ka lat ban iada ia lade na kane ka khlam COVID-19.
Ha kane ka sngi la iohi ba bun ba ki samla kiba hapdeng ka rta 15 bad 18 snem kila wan sha khamt ban sha ai Tika ha katei ka jaka ai jingsumar jong ka sorkar, kane ka jingai Tika kan long ha ka jylla baroh kawei.
