Pluh dieng ar miet shisngi julor ki jaka rep ha ki thain Shella, shah ktah bun ki nongrep

Shillong, Iaiong 07: Ha ka miet sngi u blei ka dieng kala klang kynsan ha ki jaka rep jong ki briew kiba don ha ka thain Shella bad kane ka dieng ka dang klang haduh mynta ka sngi bad ha kane ka jingpluh ding da ki spah tylli ki jaka rep jong ki briew kila julor.

U bah Prince Starwell Sorubai Vice President ka Hills Farmer Union (HFU) haba kren ha u SP News Agency u la iathuh ba kane ka jingpluh kala ktah kum ka thain Byrwa, Pohphanniang,Umsong,Mawpud, Dongkhatar kiba la shah ktah palat.

Ki jaka rep kiba la shah ktah kiba bun eh dei ba ki bri kwai, ki jaka rep soh niamtra, rep tympew, ki Sohmanir, ka Kaid bad bun kiwei ki jingrep la ong ba da ki spah tylli ki jaka rep jong ki briew kila shah ktah.

La iathuh ba kane ka jingpluh dieng kala jia ha ka miet sngi u Blei kata ka long ha ka 5/04/2020 bad ka jingklang jong ka dieng ka dang neh haduh mynta ka sngi. Kumba ka long mynta kala shitom ban pynlip ia ka jingklang jong ka dieng.

La iathuh ba la pyntip ia kane ka jingpluh kine ki jaka rep sha ki pulit pynlip dieng hynrei namar ba kala jngai palat na ki surok wat la ki pulit pynlip ding kila wan hynrei kim shym lah ban leh ei ei shuh.

Kane ka thain Shella kaba shah ktah ha kane ka jingpluh ka dieng ka hap hapoh jong ka Bholganj Block, jong ka Sohra Civil Sub Division. Ia ka daw jong ka jingpluh haduh mynta ym pat lah ban tip.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet