Shillong, Kyllalyngkot 18: Mynta mynstep ka dieng kala klang hapoh jong ka Bareh Shopping Complex kaba don ha Dhakheti ha kaba la antad b aka jingjulor kala palat ia ka shiklur tyngka.
Ia ka daw jong ka jingpluh la suba ba ka dei na ka jingbethei jong ka light, hynrei ia kane ruh ki pulitkim pat lah ban pynshisha bad mynta ki dang tohkit ban lap ia ka daw tynrai jong kane ka jingpluh ding kaba la julor palat klur tyngka.
La ong ba ia ka ding la ioh nyngkong da ki briew ha ka por kumba san baje ei ei mynstep bad mar kumta la pyntip sha ki pulit pynlip ding jong ka jylla bad ki pulit ruh khlem da pynslem kila poi bran bran sha kane ka jaka ban tem ia ka jingklang jong ka ding.
La ong ba baroh ki dukan kiba don ha kane ka shopping complex ki don hynniew tylli bad baroh kila julor namar shiteng jong kane ka iing ka dei da ka dieng bad kane kala ktah jur ia ka jingduh.
Kat haduh ba thoh ia kane ka khubor ki pulit ki dang pynlong ia ka jingtohkit ban lap katno ka jingduh kaba shisha bad ban lap ia ka daw ba thikna ba balei ka kem ding.
