Pluh ka iing mane Balang u Blei ha Qualapatty  khlad ar ngut ki shikurim

Shillong, Naiwieng 17: Mynta ka sngi por 3.30 baje ei ei dang step phyrngap ia ding kala klang hapoh ka iing mane jong ka Balang U Blei bad pynjulor ia ka phom. Ia kane ka iing mane la tei ha u snem 1910 bad ha kane ka jingklang jong ka ding ar tylli ki mynsiem briew kila duh ei.

Haba kren ha u SP News Agency ki lai ngut ki nongtrei bylla kiba sah hapoh kane ka iing mane namar ba ki dang shna ia ka sad jong ka iing mane kila iathuh ba kila snam tdem ding ha ka por 3.30 baje ei ei bad mar kumta ki mih sha bar ban pyrta briew ban pan jingiarap bad ki briew kila ia mih ban theh um.

U Rev Pastor K Nongpluh, u la iathuh ba kane ka dei ka iing mane kaba nyngkong jong ka Balang, ia ka Balang la seng ha Mylliem bad la wan rah sha kane ka jaka la kumno kumno ha ki snem 1904 lane 1906 bad ia kane ka iing mane ba nongkong jong ka Balang la tei ha u snem 1910.

Ha kane ka jingpluh jong kane ka iing mane kala kem ding ruh iaki iing briew kiba syndah bad kane ka iing mane ha kaba lai tylli ki iing kila julor bad ha kane ka jingpluh ding ar ngut ki shikurim kila duh ei iala ka jingim na ka daw jong ka jingkem ding ka iing kaba ki sah.

Naka liang jong kiba ha iing kila iathuh ba kine kiba la duh ei ia ka jingim na ka daw jong ka jingklang jong ka ding la tip kyrteng kum u Bah Tiameren Basaiawmoit 56 snem bad ka Kong Reliable Laloo. Ia kine ki ar tylli ki met la wan shimti da ki pulit bad pyndep ia kaba don kam katkum ka ain.

Ha kane ka jingpluh kane ka iing mane na ka liang jong ki pulit pynlip ding kila wan nyngkong da ka kali pynlip dieng kaba heh bad kane ka kali kam rung sha phyllaw kala hap ban sangeh ha Stanjeep bad ha dien ba la wan ki kali pynlip ding kiba kham rit la rung hynrei kim shym la lah shuh ban iada na ka jingbom duh kadieng.

Na ka liang jong ka Superintendent ki pulit ba dei peit ia ka tnad pynlip ding kala wan hi da la de ban peit ia ka jingpynlip ia ka ding, ka Deputy Commissioner  jong ka East Khasi Hills District bad kiwei kiwei ki heh sorkar jong ka District kila poi sha kane ka jaka.

Na ka liang jong ka Superintendent ki pulit kaba dei peit ia ka tnad pynlip ding kala ong ba ia mynta kim pat lah ban ong ei ei namar ki dang ia leh banpynkhuid ia ka jaka bad la iathuh ba ka jingthoh kit ka dang iaid ia ka daw jong ka jingpluh kim pat lah ban ong ei ei.

What Next?

Recent Articles

Leave a Reply

Submit Comment

*