Shillong, Jylliew 17: Mynta ka sngi ha ka por kumba 5 Baje jan miet kawei ka kudam buh tiar ha iewduh kala 
kem ding kynsan bad bun ki mar ki mata kila julor ha kane ka jingpluh ding. Ki kali pynlip ding mar iaioh ia ka jingtip kila leit bran bran ban tem ia ka ding.
U Superintendent jong ka East Khasi Hills District u Davis N.R Marak haba kren ha u SP News Agency u la iathuh, “kumba ka paw ka daw jong ka jingkem ding ka dei na ka jingshot sirkit jong ka light, ban ong ba ka don kano kano ka jingpyrshang ban thang kam dei”.
La iathuh ba ki pulit kila kylli na u trai dukan, ka jingjubab ka jong u kam long kaba shai namar shiphang u la jubab da kumwei bad shiphang u la jubab da kumwei, hynrei ka jingshisha na ka long ba ia ka kudam la khang bad ka ding kaba pluh ka dei na poh dukan, la ong u Superintendent ki pulit ka East.
La iathuh ba ki pulit kin dang kylli jingkylli biang ia u trai ka kudam khang ba kin ioh ia ka jubab kaba shai, ban lap ia ki jingshah ha kaba ia dei bad kane ka jingpluh kane ka kudam mynta ka sngi ha Iewduh.
Na ka liang jong ki pulit pynlip dieng kila beh kloi lan sha kane ka jaka ban tem ia ka jingklang jong ka ding bad tang hapdeng shiphang kila lah ban pynlip ia ka ding. Kane ka kudam ka dei ka kudam buh tiar kiba bun jaid bad kiba bun ki dei ki jingtah pynsma iewbih, la iathuh u Superintendent ki pulit ka East Khasi hills
