Shillong, Kyllalyngkot 18: Mynta ka sngi ka
ophis jong ka 3rd Meghalaya Secretariat kaba don ha Lachumier, ka bynta kaba don sha trai duh jong ka iing kala pluh kynsan bad ka jingdon jong ki pulit jong ka Meghalaya Secretariat Home Guards la lah ban pynlip ia ka ding kaba la klang ha kane ka ophis sorkar.
Na ka liang ong ka MSHG hapoh ka jingialang jong u Nail Badal Das kila pynra ia ka jingkhang jong kawei ka kamram kaba klang ka ding bad theh da ka um ban tem ia ka jingklang jong ka ding kaba la klang ha ka kamra. Haka juh ka por kila bethah ia ki nongap hapoh jong katei ka jaka ba kin pynlip noh ia ka light.
Na ka daw jong ka jingklang jong ka ding ki jaka buh computer kila la ieng bad kum juh ki shuki.Naka liang jong ki home guard wat hapdeng ka jingmih ka tdem kaba dun kila tur ban tem ia ka ding ban peit ba kam dei ban klang sha kiwei ki bynta jong ki kamra kiba don ha kane ka ophis sorkar.
Haba ia dei bad kane ka jingjia na ka liang jong ki pulit kila sdang ban tohkit ban lap ia ki jingshisha ia ka daw jong ka jingkem ding jong kane ka kamra ia kaba la tip kum ka “Datta Processing Room”. Ia kane ka jingmih tdem na kane ka kamra la ioh da ka kong Jeralina Lyngdoh kaba trei kum ka nongpynkhuid kamra haka por 7.30 baje mynstep.
