Shillong, Iaiong 14: Ka long shisha ka khubor kaba sngewsih tam hakaba kawei na ki longiing kaba don haka shnong Lakadong, thain Iooksi, West Janitia Hills District ka la duh noh iala ka iing sah lajong naka daw ka jingshah bamduh haka thylliej ding kaba shyrkhei. Katei ka iing kaba la shah bamduh haka ding kadei jong u Bah Shaniahshkem Sariang bad jong ka Kong Loni Pala.
Ka tei ka jingjia ka la jia haka por mynsngi haka por ba kiba haiing baroh ki dang don hapoh ka jingiaseng ha katei hi ka shnong. Haka tei ka jingjia ym shym don kano kano ka jingmynsaw hynrei ka jingjulor pat ka la long daki phew lak tyngka.
Iaka daw jong ka jingjia ympat lah ban tip tikna haduh mynta hynrei naka liang ki pulit ki dang pyllong iaka jingtohkit ban tip iaka daw jong ka tei ka jingjia.
Naka liang ka Khasi Students Union Iooksi Unit kala pynpaw iaka jingsngewsih halor katei ka jingjia kaba la wan ngat hakatei ka longiing bad hakajuh ka por ka seng ka la kyrpad iaki nongmihkhmat bad ruh iaki bor sorkar ban ai iaki jingiarap kloi katba lah iakatei ka longiing khnang ba kin lah ban ioh biang iaka iing ban shong ban sah.
