Shillong, Lber 04: Mynta ka sngi ki pulit “Rapid Action Force” jong ka sorkar pdeng ha ka sien kaba nyngkong la wanlam sha kane ka jylla ban pyndon kam ia ki na ka bynta ban iarap ia ki pulit jong ka jylla na ka bynta ka suk ka sain.
Kine ki pulit kiba kyrpang kiba la poi mynta ka sngi mynstep ha Shillong baroh ki don 110 ngut bad ia kine la ioh mynta ka sngi ba la pyndon kam ia ki ba kin pahara ha ki bynta jong ka Khyndailad bad ki bynta jong ka Motphran.
Na ka liang jong ki bor ba dei peit ia ka District Administration kila pynpaw ba ia ka kophiew ha ka nongbah Shillong baroh kawein kan long naduh ka por 9.00 baje mynmeit haduh 6.00 baje mynstep.
Katba hapoh Sohra ia ka korphiew la pynjari naduh ka por 6.00 baje mynta mynmiet haduh 8.00 baje la shai mynstep. Kumba ka long haduh mynta kam shym don kano kano ka jingjia, ka jingshong suk kala sdang ban wan phai biang.
