Shillong, Nailur 14: Ka kynhun jong ka National Cadet Corps Girls kiba hapoh 17 snem ia kiba la ioh ia ka jinghikai hapoh jong ka NCC, North East Region Directorate kila leh bha shibun ha ka jingialehkai ka Subroto Cup International Football Tournament 2017 ha kaba kila jop pyrshah ia ka Sports Authority jong ka India ha ka Semi Finals 2-1.
Da kane ka jingjop kane ka kynhun ialehkai ki kynthei na NE kan ia kynduh bad ka kynhun ia lehkai ki kynthei na ka Ri Bangladesh ha ka phainal. Na ka liang jong u Major General u Raju Chauhan, ADG NCC, NER u la ai ka jingkhublei kaba kyrpang ia kane ka kynhun.
Ha ki jingialehkai kiba la dep, kane ka kynhun ki kynthei jong ka NCC na North East kala pynrem ia ka Kerala 7-0, ia ka Kendriya Vidyalaya 15-0, ia ka CBSE 19-0 bad ia ka Maharashtra 5-0.Ka dei ka sien kaba nyngkong ba ki kyhthei na NE kila leh bha ha duh katta katta ha kane ka jingialehkai.
